Beint í efni
En

Vörumerki MS

Ferskur rjómakenndur Mozzarella er framleiddur í Skagafirðinum úr hreinni íslenskri kúamjólk. Framleiðsluhefðin á rætur að rekja til Ítalíu og með góðri hjálp frá ítölskum ostameisturum og nýjustu tækni getum við boðið upp á íslenskan mozzarella sem ostaunnendur og matgæðingar landsins ættu ekki að láta framhjá sér fara.

Ísey skyr er próteinríkt, fitulaust og áferðarmjúkt - frábær valkostur fyrir þá sem eru meðvitaðir um hvað þeir borða og hugsa um heilsuna . Allir ættu að geta fundið skyr við sitt hæfi þar sem mikið úrval er af bragðtegundum. Ísey skyr er framleitt á nútímalegan hátt með 3 - 4 sinnum meira mjólkurmagni en venjuleg jógúrt og að auki með séríslenskum skyrgerlum.

Rjómaostur til matargerðar er þéttur í sér, bragðmildur og ljúfur, bráðnar sérlega vel og hentar í margs konar rétti, til dæmis lasagna, pastarétti, bökur, pizzur, gratínrétti, pottrétti og margt fleira.

Saga Kókómjólkur spannar 50 ár en drykkurinn kom fyrst á markað árið 1973. Árið 1975 voru umbúðirnar skreyttar með mynd af ketti hlusta á tónlist og síðan þá hefur kötturinn verið lukkudýr Kókómjólkurinnar. Kötturinn Klói var nafngreindur 1990 þegar umbúðirnar fengu andlitslyftingu. Kókómjólk hefur fyrir löngu unnið hug og hjörtu Íslendinga enda passar hún vel með hverju sem er, súkkulaðisnúð og einni með öllu, ein sér eða með hverju sem er. Kókómjólkurframleiðsla hjá MS hófst fyrir 50 árum og hefur Kókómjólkin verið ein vinsælasta vara fyrirtækisins alla tíð síðan.