Mjólkursamsalan er framúrskarandi fyrirtæki 2023

Skólamjólkurdagurinn markar upphaf árlegrar teiknisamkeppni

Víkingur er Mjólkurbikarmeistari karla 2023 eftir 3-1 sigur gegn KA.

Víkingur náði forystu á 38. mínútu með marki frá Matthíasi Vilhjálmssyni. Aron Elís Þrándarson kom Víkingum í 2-0 með marki á 72. mínútu. Á 82. mínútu minnkaði Ívar Örn Árnason muninn fyrir KA menn en Ari Sigurpálsson innsiglaði sigur Víkinga á 84. mínútu.

Er þetta í fjórða skiptið í röð sem Víkingur hampar titlinum og hafa þeir verið handhafar titilsins síðan 14. september 2019. Enginn meistari var krýndur árið 2020.

Á sama tíma og við óskum Víkingi til hamingju með sigur viljum við þakka öllum liðunum sem tóku þátt í Mjólkurbikar karla fyrir frábæra fótboltaveislu í allt sumar. Mjólkurbikarinn er stærsta einstaka samfélagsverkefni Mjólkursamsölunnar og við gætum ekki verið stoltari af öllum þeim stóra hópi fólks sem kemur að verkefninu um allt land með einum eða öðrum hætti.

Víkingur Mjólkurbikarmeistari karla 2023

MS heldur áfram að gleðja skyrunnendur með nýjum vörum og loksins er kominn á markað nýr Ísey skyr próteindrykkur. 

Vinsældir Ísey skyr próteindrykkjanna hafa vaxið mjög síðustu ár og hafa fjölmargir viðskiptavinir óskað eftir nýrri bragðtegund í flokkinn og er því gaman að segja frá því að Ísey skyr próteindrykkur með dökku súkkulaði og vanillu er á leið í verslanir. Drykkurinn er bæði bragðgóður og næringarríkur, kolvetna- og fituskertur og þá inniheldur hver ferna 23 g af próteinum.

 Við erum stolt af þessari spennandi nýjung og vonum að neytendur taki henni fagnandi og njóti þess að gæða sér á góðum drykk hvort sem er á ferðinni, sem millimál eða sem nesti í skóla og vinnu.

Próteindrykkur sem beðið hefur verið eftir

Hvaða lið lyftir Mjólkurbikarnum í lok sumars?

Eftir stórkostlegt fótboltasumar styttist óðum í langþráða úrslitastund í Mjólkurbikar karla en sjálfur bikarúrslitaleikurinn fer fram á Laugardalsvelli laugardaginn 16. september þegar Víkingur R. og KA mætast. Víkingur er á leið í úrslit fjórða skiptið í röð og hefur liðið verið bikarmeistari samfleytt frá 2019 en keppnin 2020 var ekki kláruð vegna Covid. KA er á leið í bikarúrslit í fjórða sinn en 19 ár eru liðin frá því síðast og því má telja ansi líklegt að KA menn mæti ákveðnir til leiks tilbúnir að hrifsa Mjólkurbikarinn af Víkingum.

Framundan er spennandi leikur þar sem leikmenn og stuðningsfólk munu gefa allt sitt í verkefnið og óhætt að lofa rífandi stemningu, baráttu og leikgleði frá upphafi til enda. Við hvetjum fólk til að mæta á völlinn í rauðu eða gulu, styðja við bakið á sínu liði og klára fótboltasumarið með stæl. Leikurinn hefst kl. 16:00 og fyrir þau sem ekki komast á völlinn verður hann að sjálfsögðu sýndur í beinni útsendingu á RÚV.

Loksins, loksins getum við sagt frá skemmtilegu samstarfsverkefni MS og Nóa Síríus en þessi tvö rótgrónu íslensku fyrirtæki hafa tekið sig saman og sett á markað nýja vöru sem aðeins verður á markaði í takmarkaðan tíma. Engjaþykkni með Nóa smá Kroppi inniheldur dúnmjúka og dásamlega vanillujógúrt með litlum, stökkum súkkulaði kornkúlum en um er að ræða fyrstu sérútgáfuna af Engjaþykkni og var Nóa smá Kroppið sérstaklega framleitt fyrir hana.

„Við höfum beðið spennt eftir að setja þessa ljúffengu vöru á markað en Engjaþykkni með Nóa smá Kroppi verður án efa eftirlætis eftirréttur margra í haust,“ segir Halldóra Arnardóttir, markaðs- og vöruflokkastjóri hjá MS. „Vöruþróunin gekk vel og smakkfundirnir voru vel sóttir,“ segir Halldóra með bros á vör og bætir við að báðum aðilum hafi þótt einstaklega gaman að sjá umbúðirnar taka á sig mynd og vörumerkin tvö tvinnast saman á svona litríkan og skemmtilegan hátt. Helga Beck, markaðsstjóri Nóa Síríus, segir að samstarfið komi á afar skemmtilegum tímapunkti: „Í ár fögnum við fjörutíu ára afmæli Nóa Kropps og því er sérstaklega gaman að fara með þetta klassíska vörumerki á nýjar slóðir í samstarfi við Engjaþykkni, annað rótgróið og sívinsælt vörumerki.“

Við vonum að landsmenn taki þessari skemmtilegu nýjung vel og leyfi sér smá eftirrétt við fyrsta tækifæri.

Engjaþykkni og Nóa Kropp eru nýjasta par landsins

MS efnir til textasamkeppni meðal grunnskólanema

Abt-mjólkina frá MS þekkja flestir en 30 ár eru nú liðin frá því að þessi vinsæla vara kom á markað. Áferðamjúk og bragðgóð jógúrtin og stökkt kornið er ómissandi hluti af fjölbreyttu mataræði margra en vörurnar innihalda hina heilnæmu a- og b-gerla sem treysta mótstöðuafl líkamans í meltingarvegi og gera þannig óæskilegum gerlum erfitt uppdráttar. Í tilefni þessara tímamóta er Abt-mjólkin nú komin í nýjar tveggja hólfa umbúðir og þótti tilvalið að uppfæra útlit umbúðanna í takt við nýja tíma. 

„Við hönnun á nýju umbúðum vildum við halda í hvítan grunnlit en gera meira úr fallegum litum til að aðgreina bragðtegundirnar og bættum við mynd af skeið þar sem topplokið með skeiðinni hefur verið fjarlægt,“ segir Halldóra Arnardóttir, markaðsstjóri ferskvara hjá MS. „Engar breytingar hafa verið gerðar á vörunni sjálfri en við erum stolt að segja frá því að umbúðirnar innihalda minna plast en áður og endurvinnsluflokkun er einfaldari þar sem bæði dós og lok flokkast saman.“ 

Abt-mjólkin fæst í fjórum bragðtegundum og hentar vel sem morgunverður eða millimál þar sem hún hjálpar okkur að skapa stöðugleika í líkamanum og lífinu með góðum gerlum og góðu bragði.

Ferskur rjómakenndur Mozzarella er framleiddur í Skagafirðinum úr hreinni íslenskri kúamjólk. Framleiðsluhefðin á rætur að rekja til Ítalíu þar sem notuð var fyrst eingöngu buffaló mjólk í ostagerðina. Sífellt algengara er nú að nota kúamjólk og jafnvel geitamjólk. Þessi skemmtilegi og bragðgóði ostur hefur farið sigurför um heiminn sem ekki sér fyrir endann á. 

 NÚ FÆST EINNIG LAKTÓSALAUS MOZZARELLA
Mozzarella kúlur og Mozzarella kúlur með basilíku eru án laktósa. 

 Mozzarella er tilvalinn í matargerð. Hann er ljúffengur með salati, eða framborinn sem smáréttur með basilíku og tómötum, á snittur, í pasta og ofnrétti. Þetta er skemmtilegur bragðmildur ostur sem smellpassar með svo mörgu. Prufaðu þig áfram og njóttu ítalskra hefða í íslenskum Mozzarella. 


Um MS

Mannauður

Uppruni

Vöruflokkar

Vörumerki

Samfélagsleg ábyrgð

Hollusta mjólkurvara

ÍTÖLSK HEFÐ - ÍSLENSK FRAMLEIÐSLA

TILVALINN Í MATARGERÐINA

Tengdar vörur