Opnunartími og dreifing yfir páskana hjá MS

Nú styttist í páskana og gaman að segja frá því að páskaeftirréttirnir frá MS eru komnir í verslanir. Páskajógúrt og páskaengjaþykkni innihalda mjúka og bragðgóða jógúrt með stökkum kornkúlum og fleira góðgæti. Leyfum okkur smá eftirrétt.

Páskajógúrt og páskaengjaþykkni eru komin í verslanir

Mjólkursamsalan er eitt þriggja íslenskra fyrirtækja sem styrkja menntatæknifyrirtækið Mussila til að gefa út og veita þjóðinni ókeypis aðgang að íslenska lestrar- og málörvunarforritinu Orðalykli sem er nú aðgengilegt öllum að kostnaðarlausu á App Store og Google Play.

Mjólkursamsalan styrkir menntatæknifyrirtækið Mussila

Í tilefni þess að um 25 ár eru síðan LGG+ kom á markað höfum við nú endurbætt vöruna og gert hana laktósalausa. Í leiðinni gáfum við umbúðunum nýtt og ferskt útlit. LGG+ fæst eins og áður í þremur bragðtegundum: með jarðarberjum, mildu vanillubragði og með epla- og perubragði og inniheldur hver 65 ml flaska yfir 1 milljarð af LGG góðgerlum auk a- og b-gerla, heilsutrefja (ólígófrúktósa) og annarra heilnæmra mjólkursýrugerla í fitulausri mjólk. Samsetning LGG+ er með þeim hætti að samverkandi heildaráhrif gerla og náttúrulegra efna gefa hámarks árangur sé þess neytt reglubundið og getur dagleg neysla bætt meltinguna og komið jafnvægi á hana, styrkt ónæmiskerfið og veitt mikið mótstöðuafl gegn kvefi og flensu. Örlítil breyting hefur orðið á bragði þar sem dregið hefur verið úr sykri í vörunni en þar sem varan er orðin laktósalaus kemur hún enn stærri hóp að gagni en áður.

LGG+ hentar fólki á öllum aldri, börnum jafnt sem fullorðnum og með litlum dagskammt af LGG+ styrkjum við mótstöðuafl líkamans og örvum vöxt heilnæmra gerla í meltingarveginum.

Nánar um LGG+

Grunnskólanemar vinna til verðlauna í teiknisamkeppni

Hafin er sala á Vanillublöndu í 250 ml umbúðum en vinsældir Vanillublöndu hafa verið gríðarlega miklar frá því hún kom á markað. Mikil eftirspurn hefur verið frá neytendum um að fá Vanillublöndu í minni pakkningu fyrir heimilið til að sporna við matarsóun þar sem ekki tekst alltaf að klára úr 1 l fernu innan nokkurra daga. Vanillublandan er bragðbætt nýmjólk með sætum vanillukeim sem er hægt að nota á ýmsan máta og mun litla fernan án efa hitta í mark á mörgum heimilum.

Það þekkja flestir Íslendingar íþróttadrykkinn Hleðslu enda hefur hann notið mikilla vinsælda frá því hann kom fyrst á markað fyrir rúmum áratug síðan og munu margir Hleðslu unnendur fagna þeim fréttum að von er á nýrri bragðtegund. Hleðsla með karamellubragði er nýjasta viðbótin í Hleðslufjölskyldunni og er einstaklega gaman að segja frá því að íslenskt íþróttafólk tók þátt í valinu á nýju bragðtegundinni. „Fjölmargir neytendur hafa haft samband við MS síðustu misseri og óskað eftir nýrri bragðtegund og er því einkar ánægjulegt að geta svarað kallinu núna í upphafi nýs árs og boðið viðskiptavinum okkar meira val með nýju karamellu Hleðslunni,“ segir Halldóra Arnardóttir, markaðsstjóri MS. 

„Nýja Hleðslan er bragðgóð og rík af næringarefnum. Hún er jafnframt laktósalaus og inniheldur ein ferna 22 g af hágæða próteinum úr íslenskri mjólk,“ segir Halldóra og bætir við. „Við gerðum fjölmargar prufur með bragðtegundir og þar sem við leggjum mikinn metnað í að hlusta á raddir viðskiptavina fengum við til okkar hóp af íþróttafólki og þjálfurum til að aðstoða okkur við valið. Karamellubragðið var langvinsælast í hópnum og loksins, loksins er biðin á enda og nýja Hleðslan á leið í verslanir á næstu dögum.“

Þú færð kraft úr Kókómjólk, ó mjá!

Kókómjólkin klassíska kemur hér skemmtilega á óvart sem dásamlegt heitt kakó. Frábær leið til að útbúa heitt kakó með engri fyrirhöfn en á köldum mánuðum kemur oft löngun í heitan drykk og þá er frábært að geta skellt fyrirhafnarlaust í einn slíkan. 

Saga Kókómjólkur spannar tæp 50 ár en drykkurinn kom fyrst á markað árið 1973. Árið 1975 voru umbúðirnar skreyttar með mynd af ketti hlusta á tónlist og síðan þá hefur kötturinn verið lukkudýr Kókómjólkurinnar. Kötturinn Klói var nafngreindur 1990 þegar umbúðirnar fengu andlitslyftingu. Kókómjólk hefur fyrir löngu unnið hug og hjörtu Íslendinga enda passar hún vel með hverju sem er, súkkulaðisnúð eða einni með öllu. Kókómjólkurframleiðsla hjá MS hófst fyrir tæpum 50 árum og hefur Kókómjólkin verið ein vinsælasta vara fyrirtækisins alla tíð síðan - enda er Kókómjólk er fyrir alla. 

Venjuleg Kókómjólk og sykurskert Kókómjólk sem inniheldur aðeins 2% viðbættan sykur eru frábærar í nestið og á milli mála. 
Sykurskerta kókómjólkin er laktósaskert og hentar flestum þeim sem hafa laktósaóþol.

Kókómjólk er góð ísköld en hentar líka frábærlega í heita og góða drykki. Kókómjólk í 1 l fernum hentar sérstaklega vel í heitt kakó en hana þarf einfaldlega að hita rólega upp í potti og toppa með þeyttum rjóma - já og kannski sykurpúðum eða súkkulaðispæni þegar þannig ber undir.  

Klói elskar afmælisveislur og Kókómjólkin smellpassar á veisluborðið! Kókómjólk og kaka, Kókómjólk og snúður, Kókómjólk og kleina, Kókómjólk og pylsa - Kókómjólk passar með öllu.

Kókómjólk - fyrir hvaða tilefni sem er

Um MS

Mannauður

Uppruni

Vöruflokkar

Vörumerki

Samfélagsleg ábyrgð

Hollusta mjólkurvara

Heitt kakó með rjóma

Með þjóðinni í tæp 50 ár!

Má bjóða þér heitt kakó?

Kókómjólk - fyrir hvaða tilefni sem er

Tengdar vörur