Í tilefni þess að 30 ár eru liðin síðan KEA skyr var sett á markað var ákveðið að gefa þessari íslensku skyrfjölskyldu andlitslyftingu og bjóða neytendum upp á spennandi nýjungar í leiðinni. Allar tegundir eiga það sameiginlegt að vera með eindæmum bragðgóðar, þær eru prótein- og næringarríkar, án laktósaog að sjálfsögðu unnar úr hágæða hráefnum.
Næring+ er nýr drykkur frá MS en um er að ræða orku- og próteinríkan drykk sem hentar vel þeim sem þurfa að þyngjast eða sporna við þyngdartapi. Næring+ er vítamín- og steinefnabættur og getur m.a. hentað eldra fólki, en með aldrinum minnkar oft matarlystin þó að þörf fyrir orku, prótein, vítamín og steinefni sé enn til staðar. Til að fyrirbyggja vöðvarýrnun og þyngdartap hjá eldra fólki er mikilvægt að það neyti orku og próteina í ríkum mæli og hentar einnig þeim sem vilja handhægt orku- og próteinríkt millimál.
Nýjasta nýtt frá MS eru gómsætar bakaðar ostakökur sem henta við hin ýmsu tilefni. Fyrstu kökurnar sem koma á markað eru Bökuð marmara ostakaka og Bökuð vanillu ostakaka. Kökurnar eru góðar einar sér og himneskar með ljúffengum sósum og ferskum berjum og í raun góður grunnur til að útfæra og aðlaga að smekk hvers og eins.
Nýr Veislu feta í kryddolíu er nú kominn á markað frá MS. Veislu feta í kryddolíu inniheldur m.a. hvítlauk, steinselju, negul og myntu. Gott er að nota ostinn í salöt, heita rétti og sómir hann sér vel á veisluborðið á aðventunni.
Sala er hafin á nýjum Óðals Havarti og Óðals Tind í sneiðum. Osturinn er í hæsta gæðaflokki. Umbúðirnar vekja athygli og þær endurspegla það andrúmsloft sem við viljum tengja við ostinn: Úr fórum meistarans.
Hingað til að hafa eingöngu tvær tegundir verið til í sneiðaformi en nú eru fáanlegar í sneiðum tvær vinsælustu tegundirnar, Tindur og Havarti.
Ostakökur Mjólkursamsölunnar eru með vinsælli eftirréttum Íslendinga og þykja líka góðar einar sér með ilmandi kaffibolla, kakói eða ískaldri mjólk. Umbúðirnar eru með glugga þar sem bragðþekjan blasir við á girnilegan máta en sumarostakakan er með ljúffengri sítrónuþekju sem kemur skemmtilega á óvart.
Væntanlegur er á markað Léttur Smjörvi, fituminni en sá hefðbundni og kemur hann að mörgu leyti í stað Létt og laggotts sem hvarf af markaði fyrir nokkrum vikum.
Í maí fer einnig hefðbundni Smjörvi í nýjar umbúðir sem eins og gömlu umbúðirnar eru umhverfisvænar og hægt er að flokka til endurvinnslu.
Nú er Hleðsla Extra líka fáanleg kolvetnaskert og laktósafrí í 330 ml. Hleðsla þessi er ferskvara sem geyma skal í kæli og er með 21 dag í líftíma.
Vinsældir Mozzarella eru alltaf að aukast og nú er hægt að fá ostinn í litlum 3 g perlum sem auðvelt er að dreifa yfir salatið eða ofan á pizzuna. Perlurnar koma í handhægri dós sem hægt er að loka.
Nú er kominn nýr ostur í hópinn, Óðals-Havarti með pipar. Hann er góður á t.d. hamborgara, rúnstykkið eða bara til að fá krydd í samlokuna!
Ábendingar, kvartanir og hrós
Símanúmer: 450 - 1100
450-1111.
mán-fim 8-16 og fös 8-15.
sala@ms.is
Athugið að vöruafgreiðsla MS er lokuð alla virka daga milli kl. 12 og 13.