1.júní ár hvert er alþjóðlegi mjólkurdagurinn haldinn hátíðlegur. Það er Matvælastofnun sameinuðu þjóðanna sem hvetur til þess að dagurinn sé haldinn hátíðlegur. Markmið dagsins er að vekja athygli á hollustu mjólkur og mikilvægi hennar í mataræði fólks um allan heim.
Mjólk er ein næringarríkasta einstaka fæðutegundin sem völ er á. Mjólk er mikilvæg uppspretta próteina og 11 lífsnauðsynlegra vítamína og steinefna í fæðunni og má þar nefna kalk, joð, fosfór, B2- og B12-vítamín.
Það er því ekki að undra að almennar ráðleggingar um mataræði hafi almennt mjólkurmat sem hluta af heilsusamlegu mataræði. Embætti landlæknis ráðleggur að neyta tveggja skammta af mjólk eða mjólkurmat á dag.
Nýjasta skyrið á íslenskum markaði er KEA skyr með saltkaramellu og verður það aðeins framleitt í takmörkuðu magni. Skyrið er einstaklega bragðgott með ljúffengum saltkaramellukeim og ættu skyrunnendur svo sannarlega ekki að láta það fram hjá sér fara. Umbúðirnar sækja innblástur í eldgosið í Geldingadölum og því er hér um sérstaka eldgosaútgáfu að ræða þar sem skyrfjall spúandi eldi og saltkaramellu prýðir umbúðirnar.
Í dag er kvaddur hinstu kveðju Guðlaugur Björgvinsson, fyrrverandi forstjóri Mjólkursamsölunnar. Nú þegar komið er að kveðjustund kallast fram margar minningar okkar samferðafólks Guðlaugs frá langri ferð – minningar um þann drenglynda og háttvísa mann sem hann var. Við vottum fjölskyldu Guðlaugs samúð okkar.
MS vinnur að ýmsum umhverfismálum og er einn liður í því að draga úr matarsóun. Mjólkurfernur verða framvegis ekki eingöngu merktar "Best fyrir" heldur bætt við merkingunni "Oft góð lengur". Það er til þess að minna neytendur á að mjólkin er best fyrir ákveðna dagsetningu en er oft góð lengur. Þá skiptir máli að nota nefið og meta hvort mjólkin sé í lagi. Byrjað er að merkja fernur með þessum hætti á Akureyri og fljótlega á Selfossi.
Lokað verður hjá Mjólkursamsölunni fimmtudaginn 13. maí, uppstigningardag. Engin vörudreifing verður frá MS þann dag. Vinsamlega gerið ráðstafanir með pantanir og dreifingu í tíma.
Um land allt, á nóttu sem degi, allan ársins hring eru fleiri en 5.500 sjálfboðaliðar björgunarsveitanna til taks ef eitthvað bregður út af. Íslendingar búa við náttúruvá af ýmsu tagi og eru á landinu öllu starfræktar 93 björgunarsveitir og 37 slysavarnadeildir sem búa yfir nauðsynlegum búnaði til björgunarstarfa. Til þess að vekja athygli á frábæru starfi björgunarsveita um allt land er ein hlið af mjólkurfernum MS nú tileinkuð Landsbjörg og fólk hvatt til að kynna sér starfsemi félagsins og gerast Bakverðir björgunarsveitanna.
Á meðfylgjandi mynd má sjá sjálfboðaliða hjá Landsbjörg virða fyrir sér nýju fernurnar sem verða í verslunum landsins næstu vikurnar.
Nánari upplýsingar um bakvarðaátak Landsbjargar má finna á landsbjorg.is
Fyrsti leikur í Mjólkurbikar karla fór fram sumardaginnn fyrsta þegar Njarðvík sigraði KH 3-0 í Reykjaneshöllinni. Tólf leikir fara svo fram föstudaginn 23. apríl og aðrir tólf laugardaginn 24. apríl. Sex leikir verða á sunnudag og fyrstu umferð lýkur svo á mánudag með viðureign Reynis H. og Aftureldingar á Hellissandsvelli. Tveir leikir eru í 1. umferð Mjólkurbikars kvenna og fara þeir báðir fram mánudaginn 26. apríl. Annars vegar mætast SR og KM á Eimskipsvellinum í Laugardal og hins vegar ÍR og KH á Herts vellinum í Breiðholti. 2. umferð fer svo fram dagana 30. apríl til 2. maí og 3. umferð verður leikin um miðjan maí.
Komin er út önnur umhverfisskýrsla Mjólkursamsölunnar. Skýrslan sýnir áherslur fyrirtækisins á að nýta innlenda endurnýjanlega orkugjafa og huga að hringrásarhagkerfinu í sinni starfsemi.
Mjólkursamsalan skrifaði nýverið undir samning við Slysavarnarfélagið Landsbjörg og verður fyrirtækið einn af aðal styrktaraðilum félagsins árið 2021. Ein hlið á mjólkurfernum MS mun á næstunni skarta myndum og textum um mikilvægi björgunarsveitanna þar sem neytendur eru jafnframt hvattir til að gerast bakverðir sveitanna.
Á uppskriftasíðu MS gottimatinn.is er að finna heilan hafsjó af spennandi uppskriftum sem vert er að prófa ásamt hugmynd að vikumatseðli sem hægt er að styðjast við og sækja innblástur í. Á vikumatseðli Gott í matinn er leitast við að hafa einfaldar, fjölbreyttar og umfram allt góðar uppskriftir í aðalhlutverki en til hátíðabrigða læðast inn uppskriftir að ljúffengum eftirréttum og sætum kökum. Þeir sem skrá sig í netklúbb Gott í matinn fá nýjan vikumatseðil sendan beint í pósthólfið sitt alla mánudaga og svo er ekkert eftir nema að velja uppskrift og byrja að elda eitthvað gott í matinn.
Ábendingar, kvartanir og hrós
Símanúmer: 450 - 1100
450-1111.
mán-fim 8-16 og fös 8-15.
sala@ms.is
Athugið að vöruafgreiðsla MS er lokuð alla virka daga milli kl. 12 og 13.