Fréttir

18.09.2019 | Hrein jógúrt í 1 kg umbúðum

Hrein jógúrt frá Gott í matinn er mild og bragðgóð og hentar fullkomlega í morgunmat, kaldar sósur, bakstur, boost og ísgerð. Hrein jógúrt inniheldur 3,8 af próteinum og 3,9 g af fitu í hverjum 100 g og fæst nú í hentugum 1 kg umbúðum.

16.09.2019 | Víkingur Mjólkurbikarmeistarar

Þann 14. september fór fram úrslitaleikur í Mjólkurbikar karla. Víkingur R. og FH áttust þar við og endaði leikurinn með 1-0 sigri Víkings. 48 ár eru liðin frá því að Víkingur hampaði bikarnum síðast svo gleðin var ósvikin að leik loknum! Við óskum Víkingi innilega til hamingju með sigurinn og þökkum um leið öllum liðum sem kepptu í Mjólkurbikar karla fyrir góða keppni í sumar!

09.09.2019 | Úrslitin í Mjólkurbikar karla ráðast um helgina

Laugardaginn 14. september mætast lið Víkings R. og FH í bikarúrslitaleik Mjólkurbikars karla en leikurinn fer fram á Laugardalsvelli og hefst kl. 17:00. Stuðningsmenn beggja liða bíða spenntir eftir leiknum og nokkuð ljóst að það verður mikil stemning í stúkunni. Miðasala er í fullum gangi á tix.is og kostar miðinn 2.000 kr. en frítt er fyrir 16 ára og yngri.

26.08.2019 | Fossvogshlaup Hleðslu 29. ágúst

Fossvogshlaup Hleðslu er sannkölluð hlaupaveisla fyrir byrjendur jafnt sem lengra komna en hlaupið er orðinn fastur liður meðal margra hlaupara og hefur verið valið eitt af vinsælustu götuhlaupum landsins síðustu ár. Hlaupið byrjar og endar við Víkina í Fossvogi og geta þátttakendur valið á milli þess að hlaupa 5 eða 10 km. Við hvetjum alla áhugasama til að taka þátt og hlaupa með Hleðslu og Almenningsdeild Víkings í Fossvoginum. Skráning er í fullum gangi á hlaup.is

26.08.2019 | Góðostur - 30% meira magn

Nú í takmarkaðan tíma er Góðostur fáanlegur í 30% stærri pakkningum.Góðostur er einstaklega bragðgóður og hentar á brauðið, flatkökuna og hrökkkexið.

23.08.2019 | MS styður við góðgerðarmál hlaupara

Mjólkursamsalan leggur sitt af mörkum í áheitasöfnuninni fyrir Reykjavíkurmaraþonið sem nú er haldið í 36. sinn. MS heitir á þá starfsmenn fyrirtækisins sem taka þátt í hlaupinu og fær hver starfsmaður sem hleypur 20.000 kr. áheit til handa góðgerðarfélagi að eigin vali, óháð vegalengd sem hlaupin er. Þrettán starfsmenn skráð sig til leiks og MS styrkt hin ýmsu góðgerðarfélög um 260.000 kr. Meðal félaga sem starfsmenn hlaupa fyrir að þessu sinni eru Empower Nepali Girls en nokkrir starfsmanna MS eru einmitt frá Nepal svo að málefnið stendur þeim og samstarfsmönnum þeirra nærri. MS sendir starfsmönnum sínum, sem og öllum hlaupurum, hvatningarkveðjur.

23.08.2019 | Starfsmaður MS fer hringinn fyrir Unicef

Við erum einstaklega stolt af starfsmanni MS, Einari Hansberg Árnasyni, en þessa vikuna eru Einar, fjölskylda hans og vinir að fara hringinn í kringum Ísland til að vekja athygli á átaki UNICEF gegn ofbeldi á börnum á Íslandi. Einar mun koma við í 38 sveitarfélögum og í hverju þeirra ætlar hann að róa, skíða eða hjóla 13 þúsund metra, einn metra fyrir hvert barn sem verður fyrir ofbeldi á Íslandi. Í heildina mun Einar því fara um 500 kílómetra. Ferðalaginu lýkur laugardaginn 24. ágúst í Reykjavík þar sem Einar mun hlaupa heilt maraþon fyrir UNICEF.

19.08.2019 | Selfoss Mjólkurbikarmeistarar

Þann 17. ágúst fór fram úrslitaleikur í Mjólkurbikar kvenna. KR og Selfoss áttust þar við og endaði leikurinn í framlengingu og lauk loks með 2-1 sigri Selfoss. Við óskum Selfoss til hamingju með sigurinn og þökkum um leið öllum liðum sem kepptu í Mjólkurbikar kvenna fyrir góða keppni! Til gamans má geta að starfsmaður MS tók þátt í leiknum, fyrrum landsliðskonan Hólmfríður Magnúsdóttir og ljóst að margir samstarfsmenn glöddust yfir úrslitunum.

15.08.2019 | MS fagnar fjölbreytileikanum

Hinsegin dagar fara fram um þessar mundir og MS sýnir stuðning sinn í verki með því að birta létta og skemmtilega auglýsingu fyrir Ísey skyr með skírskotun í regnbogafánann sem er tákn hinsegin samfélagsins. Við vonum að landsmenn njóti hátíðarhaldanna og óskum öllum sem taka þátt góðrar skemmtunar.

15.08.2019 | Úrslitin í Mjólkurbikar kvenna ráðast um helgina

Laugardaginn 17. ágúst mætast lið Selfoss og KR í bikarúrslitaleik Mjólkurbikars kvenna en leikurinn fer fram á Laugardalsvelli og hefst kl. 17. Mikil stemning er fyrir leiknum bæði á Selfossi og í Vesturbænum og er nokkuð ljóst að stuðningur áhorfenda mun skipta miklu máli í svona mikilvægum leik.