Fréttir

17.02.2020 | Íslenska kokkalandsliðið vann gullverðlaun

Íslenska kokkalandsliðið gerði sér lítið fyrir og vann gullverðlaun á Ólympíuleikum matreiðslumeistara í Stuttgart í Þýskalandi í gær. Um er að ræða fyrri keppnisgrein liðsins af tveimur, svokallað Chef‘s Table þar sem liðið þurfti að framreiða sjö rétta hátíðarkvöldverð fyrir tíu manna borð auk tveggja dómara. Kokkalandsliðið leggur áherslu á að nota sem mest af hágæða íslensku hráefni í matargerðina og við erum stolt að liðið velji Ísey skyr og aðrar mjólkurvörur frá MS.

14.02.2020 | MS er stoltur bakhjarl íslenska kokkalandsliðsins

Mjólkursamsalan er stoltur bakhjarl Íslenska kokkalandsliðsins en fyrirtækið ákvað nýlega að endurnýja styrktarsamning við Klúbb matreiðslumanna. Að sögn Guðnýjar Steinsdóttur, markaðsstjóra MS, er áhersla lögð á Ísey skyr í samstarfinu auk þess sem...

14.02.2020 | MS fær jafnlaunavottun

Mjólkursamsalan er leiðandi matvælafyrirtæki á Íslandi. Hjá fyrirtækinu starfa um 450 starfsmenn frá 17 mismunandi löndum og leggur MS mikla áherslu á jafnrétti í starfsemi sinni. Það er því með stolti að sem starfsmenn MS tóku við vottorði um jafnla...

11.02.2020 | Forkeppni Mjólkurbikarsins hefst í apríl

Dregið hefur verið í forkeppni Mjólkurbikars karla og kvenna fyrir fótboltasumarið 2020 en um er að ræða fyrstu tvær umferðirnar í bikarkeppni KSÍ. Þetta er þriðja árið í röð sem bikarkeppnin ber nafnið Mjólkurbikarinn og óhætt að segja að nafnið hafi náð að festa sig vel í sessi á ný og verður spennandi að sjá hvaða lið standa uppi sem Mjólkurbikarsmeistarar í lok sumars. Fyrstu leikir hjá körlunum fara fram 8. apríl og hjá konunum 29. apríl, en lista yfir alla leiki og tímaröð þeirra má finna hér fyrir neðan.

10.02.2020 | Mjólkursamsalan er með í Þjóðþrifum

Þjóðþrif er þjóðarátak með það að markmiði að plast verði aftur plast - og fækka sótsporum um leið! Mjólkursamsalan er meðal stofnaðila í Þjóðþrifum en þau fyrirtæki sem taka þátt skuldbinda sig til þess að koma því plasti sem fellur til í framleiðslu hjá þeim í endurvinnslu hjá PureNorth Recycling. Pure North er eina endurvinnsla plasts á Íslandi þar sem hreinum plastúrgangi er breytt í plastpallettur. Það að nota jarðvarmann og hreina orkugjafa á Íslandi gefur Pure North forskot, bæði rekstrarlega og gagnvart umhverfinu. Fyrir hvert tonn sem endurunnið er af plasti hjá Pure North sparast 0,7 tonn af kolefni.

06.02.2020 | Mjólk er góð fyrir tennur og bein

Í tilefni tannverndarvikunnar viljum við nota tækifærið og benda á að bæði Embætti landlæknis og Tannlæknafélag Íslands hvetja fólk til að drekka frekar vatn eða mjólk í stað súrra drykkja á borð við gos- og orkudrykki til að varðveita viðkvæman glerung tannanna og draga úr líkum á glerungseyðingu. D-vítamínbætt mjólk inniheldur kalk, fosfór og D-vítamín sem allt eru nauðsynleg efni fyrir viðhald og vöxt beina og tanna. Frekari upplýsingar um glerungseyðingu og tannvernd má finna á vefjum Embættis landlæknis og Mjólkursamsölunnar.

03.02.2020 | Þú færð ljúffenga konudags ostaköku í næstu verslun

Konudagsostakakan er komin í verslanir en þessi dásamlega kaka fæst í takmarkaðan tíma svo þú vilt ekki missa af henni. Ostakakan er með bragðgóðri jarðarberjaþekju og einstaklega ljúffeng og ekki skemmir fyrir að bera hana fram með þeyttum rjóma.

29.01.2020 | KEA skyr hrærir upp í hlutunum með nýrri bragðtegund

KEA skyr býður nú upp á þriðju bragðtegundina af tveggja laga skyri þar sem hreint og silkimjúkt skyrið liggur ofan á bragðgóðum ávöxtum í botni dósarinnar. Nýja skyrið er með skógarberjum í botni og óhætt að segja að það sé fullkomið fyrir þá sem vilja hræra aðeins upp í hlutunum og prófa eitthvað nýtt. Viðbættum sykri er sem fyrr haldið í lágmarki en í hverjum 100 g eru einungis 4 g viðbættur sykur. Þá er nýja skyrið jafnframt laktósalaust eins og annað KEA skyr.

17.01.2020 | MS svarar kalli Ketó-aðdáenda með rifnum cheddar osti

Lágkolvetna- og Ketó-mataræði hefur verið sérstaklega vinsælt á Íslandi síðustu misseri og þar leika hinir ýmsu ostar stór hlutverk því þeir eru alla jafna án kolvetna. Einn af þeim ostum sem eru í uppáhaldi hjá stórum hluta þessa hóps er Óðals Cheddar og er því gaman að segja frá því að MS hefur svarað kalli neytenda með því að bjóða nú upp á rifinn cheddar ost í 200 g pokum.

16.01.2020 | Vikumatseðlar og vinsælar uppskriftir á gottimatinn.is

Ertu alltaf að elda sömu réttina og langar að prófa eitthvað nýtt? Vantar þig hugmyndir og innblástur að góðum mat sem hentar stórum sem smáum? Ertu ástríðukokkur og leggur mikið á þig til að finna nýjar og spennandi uppskriftir? Heimsókn á uppskrifasíðu MS, gottimatinn.is, er í öllum tilvikum góður staður til að byrja á, en þar er að finna stærsta uppskriftasafn landsins og í hverri viku bætast nýjar við. Kíktu í heimsókn!