Vörunýjungar

Kolvetnaskert Hleðsla fæst nú í 1l fernu

31.05.2022 | Kolvetnaskert Hleðsla fæst nú í 1l fernu

Kolvetnaskert Hleðsla fæst nú loksins í 1l fernu en margir neytendur hafa óskað eftir þessum möguleika síðustu misseri og því einstaklega gaman að geta tilkynnt viðskiptavinum okkar að kallinu hefur verið svarað. Hleðsla er frábær valkostur eftir æfingar, út í kaffi, boost og hafragraut og svo er upplagt að nota hana í próteinpönnukökur og hvað eina sem fólki dettur í hug.

Orri og Kría poppa upp matargerðina

23.03.2022 | Orri og Kría poppa upp matargerðina

Mjólkursamsalan kynnir spennandi nýjungar í samstarfi við Næra-snakk en um er að ræða poppað ostakurl sem kitlar bragðlaukana. Orri er poppað ostakurl úr Óðalsosti með hvítlauk og kryddjurtum og Kría poppað ostakurl úr Óðals Cheddar osti. Báðar tegundir eru stökkar, próteinríkar og nærandi og krydda og hressa upp á salöt, pasta, tacos, súpur, kjöt, fisk og grænmetisrétti. Kíkið í heimsókn á gottimatinn.is og skoðið nýjar og spennandi uppskriftir sem innihalda bragðgott ostakurl.

Íslenskur Twaróg - spennandi nýjung frá MS

10.03.2022 | Íslenskur Twaróg - spennandi nýjung frá MS

Íslenskur Twaróg er nýr ferskur ostur sem verður sífellt vinsælli víða um heim, en hann á rætur að rekja til Póllands þar sem hann er meðal þekktustu matvara landsins. Vinsældir ostsins hafa farið vaxandi á heimsvísu síðustu ár og er því einkar ánægjulegt að geta loksins boðið upp á íslenska útgáfu af honum hér á landi. Twaróg  er ferskur og bragðmildur ostur með rjómakenndu bragði sem nýtist á afar fjölbreyttan hátt. Hann er til að mynda afar vinsæll sem álegg á brauð með ýmsu grænmeti, kryddjurtum og pestói.

Sígildir smurostar í nýjar umbúðir

16.02.2022 | Sígildir smurostar í nýjar umbúðir

Smurostarnir góðu sem við þekkjum svo vel hafa nú fengið nýtt og ferskt útlit en nýju umbúðirnar eru væntanlegar í verslanir í febrúar og mars. Samhliða uppfærslu á framleiðslubúnaði fer smurosturinn í nýjar og betri dósir auk þess sem magn í hverri dós eykst um 50 g, úr 250 í 300 g. Dósirnar eru þéttar og lokast mjög vel sem er gott fyrir vörur með jafn langan líftíma og smurostar hafa. Útlit nýju umbúðanna hefur mælst vel fyrir en þar fá fallegir litir og matarmyndir að njóta sín vel en fjórar af átta tegundum eru á leið í verslanir og síðan bætast hinar við koll af kolli eftir því sem eldri umbúðabirgðir klárast.

Ostakjallarinn kynnir - Frostrós

14.12.2021 | Ostakjallarinn kynnir - Frostrós

Frostrós er nýjasti osturinn í Ostakjallaranum en um er að ræða tignarlegan ost af Gouda ætt sem er ætlað að gleðja þig og aðra ostaunnendur yfir hátíðarnar og fyrstu vikur nýs árs meðan myrkasti vetrartími ársins gengur yfir. Hann er framleiddur í takmörkuðu upplagi og því um að gera að ná sér nokkur stykki af þessum eðalosti. Bragðlega er hann mildur í grunninn en með þroskuðum tónum sem kitla bragðlaukana við hvern bita. Mjúk áferðin og kröftugt eftirbragð gera hann í einu orði sagt ómótstæðilegan.

Nýtt frá MS - Grísk jógúrt með súkkulaðiflögum

27.10.2021 | Nýtt frá MS - Grísk jógúrt með súkkulaðiflögum

Léttmálsfjölskyldan heldur áfram að stækka en nýverið kom á markað hrein grísk jógúrt í 500 g umbúðum og nú höfum við hafið sölu á grískri jógúrt með súkkulaðiflögum. Nýja gríska jógúrtin með súkkulaðiflögum er handhægur og bragðgóður réttur sem létt er að grípa og neyta hvar og hvenær sem er. Jógúrtin er létt og mild og inniheldur 11 g af próteini í hverri dós og einungis 4% viðbættan sykur. Við hvetjum ykkur til að smakka þessa spennandi nýjung og vonum að þið njótið vel.

Nýjar kryddaðar ostablöndur frá Gott í matinn

08.10.2021 | Nýjar kryddaðar ostablöndur frá Gott í matinn

Mexíkósk og ítölsk matargerð er í miklu uppáhaldi hjá íslensku þjóðinni og skal engan undra enda oft um að ræða einstaklega ljúffenga og bragðmikla rétti. MS hefur nú sett á markað tvær spennandi nýjungar sem munu án efa hitta í mark hjá þeim fjölmörgu sem vilja smá krydd í tilveruna í eldhúsinu, sterka ítalska ostablöndu og mexíkóska ostablöndu.

Ný hrein grísk jógúrt í Léttmálslínu MS

06.10.2021 | Ný hrein grísk jógúrt í Léttmálslínu MS

Léttmálslína MS hefur notið mikilla vinsælda síðustu misseri og nú bætist við hrein grísk jógúrt í 500 g umbúðum. Nýja gríska jógúrtin er einstaklega létt, mjúk og bragðgóð og smakkast því vel ein sér og ekki síður þegar hún er borin fram með ávöxtum, berjum og múslí, svo má líka blanda smá hunangi saman við jógúrtina sem gefur einstakt bragð.

Nýtt frá MS – Kryddostur með Camembert sem smellpassar í sósuna

03.06.2021 | Nýtt frá MS – Kryddostur með Camembert sem smellpassar í sósuna

Nýjasti osturinn frá MS er kryddostur með Camembert sem kemur skemmtilega á óvart. Ólíkt hefðbundnum Camembert ostum bakast hann og bráðnar einstaklega vel og hentar því sérstaklega vel í matargerð af ýmsu tagi. Ostinn er upplagt að rífa og nota til að bragðbæta sósur, hann bráðnar vel og smellpassar á pizzur og fjölbreytta ofnrétti, svo má skera hann í teninga og baka í ofni með hnetum og sírópi. Þá er ótalin sú staðreynd að osturinn smakkast dásamlega einn sér og nýtur sín vel niðursneiddur ofan á hvers kyns brauði og kexi.

KEA skyr með saltkaramellu í takmörkuðu magni

17.05.2021 | KEA skyr með saltkaramellu í takmörkuðu magni

Nýjasta skyrið á íslenskum markaði er KEA skyr með saltkaramellu og verður það aðeins framleitt í takmörkuðu magni. Skyrið er einstaklega bragðgott með ljúffengum saltkaramellukeim og ættu skyrunnendur svo sannarlega ekki að láta það fram hjá sér fara. Umbúðirnar sækja innblástur í eldgosið í Geldingadölum og því er hér um sérstaka eldgosaútgáfu að ræða þar sem skyrfjall spúandi eldi og saltkaramellu prýðir umbúðirnar.

Aðstoð

Hvernig getum við aðstoðað?