Ísey skyr kynnir sumarlegar og seiðandi nýjungar

Ísey skyr Púff hefur notið mikilla vinsælda síðustu ár enda bæði létt og loftkennt og einstaklega bragðgott.

Púff er unnið með sérstakri framleiðsluaðferð þar sem lofti er dælt í skyrið svo það blæs upp og áferðin verður þannig frábrugðin þeirri á hefðbundnu skyri og kemur skemmtilega á óvart.

Tvær nýjar bragðtegundir koma nú á markað á sama tíma og ættu skyrunnendur um land allt því að setja sig í startholurnar.

Það er einstaklega ánægjulegt að geta boðið upp á tvær spennandi nýjungar nú í sumar en annars vegar er það Ísey skyr Púff með kirsuberjum og súkkulaði og hins vegar Ísey skyr Púff með ástaraldin.

Báðar tegundir eiga það sameiginlegt að vera bæði léttar í munni og maga en eins og annað Ísey skyr eru þessar nýjungar laktósalausar.

Ísey skyr Púff hentar fullkomlega sem nesti, millimál eða létt kvöldsnarl og svo má mylja yfir dósina gott kex til að búa til einfaldan og sniðugan sumareftirrétt eða nota sem fyllingu í ljúffenga tertu. Við mælum með að skyrunnendur prófi þessar bragðgóðu nýjungar og njóti hvar sem er og hvenær sem er.