Mjólkursamsalan setur nú í fyrsta sinn á markað sannkallaðan sælkera rjómaost en um er að ræða rjómaost með hvítu súkkulaði sem verður aðeins á markaði í takmarkaðan tíma.

Rjómaostur með hvítu súkkulaði er silkimjúkur, rjómakenndur og einstaklega góður á bragðið og notkunarmöguleikarnir eru ótæmandi. „Hægt er að nota nýja rjómaostinn eins og hefðbundið rjómaostakrem og setja á kökur og kanilsnúða, kex, hrís- og maískökur svo dæmi séu nefnd, og þá hentar hann enn fremur frábærlega í ostakökur," segir Gréta Björg Jakobsdóttir, markaðs- og vöruflokkastjóri hjá MS.  „Svo er um að gera að prófa sig áfram með rjómaostinn í matargerð því hver veit hvað gerist þegar rjómaostur með hvítu súkkulaði hittir fyrir hefðbundið lasanja eða góða súpu."

Ef rjómaostur er í uppáhaldi er upplagt að verða sér út um dós af þessari nýjung og smakka því hér er um að ræða fyrsta íslenska rjómaostinn með hvítu súkkulaði og óvíst hvenær svona góðgæti verður aftur í boði.

Hér fyrir neðan fylgir uppskrift frá Völlu Gröndal að litlum ostakökum með hvítu súkkulaði þar sem nýi rjómaosturinn er aðalstjarnan.

125 g heilhveitikex
40 g brætt smjör
100 g flórsykur
250 ml rjómi frá Gott í matinn
2 tsk. vanilludropar
200 g rjómaostur með hvítu súkkulaði frá MS
50 g hvítt súkkulaði, brætt
fersk ber – jarðarber, brómber, bláber og hindber 

Setjið kexið í poka og rúllið yfir það með kökukefli. Einnig er hægt að vinna það í matvinnsluvél en fyrir þessar kökur er gott ef kexmylsnan er ekki of smátt mulin.

Hellið mylsnunni í skál og blandið bræddu smjörinu saman við.

Setjið rjóma, flórsykur og vanillu í skál og stífþeytið. Bætið rjómaostinum saman við og þeytið þar til allt hefur blandast vel saman.

Bræðið súkkulaðið, leyfið mesta hitanum að rjúka úr því. Setjið þá 1-2 msk. af ostakökublöndunni saman við súkkulaðið til að tempra það. Bætið svo þeirri blöndu út í ostakökublönduna og blandið varlega með sleikju.

Takið fram lítil glös, það skiptir ekki öllu máli af hvaða stærð þau eru, því minni glös þeim mun fleiri ostakökur.

Setjið fyrst mylsnu í botninn og því næst ostakökublöndu. Endurtakið en setjið þykkara lag af ostakökublöndunni efst. Skreytið með ferskum berjum.

Hægt er að gera ostakökurnar með góðum fyrirvara og geyma í kæli. Skreytið þá með berjum rétt áður en þær eru bornar fram.

Settu þig í hleðslu með nýrri Hleðslu

Abt-mjólk - nýjar umbúðir, sama góða bragðið

1. júní er alþjóðlegi mjólkurdagurinn! Við óskum öllum kúabændum og mjólkurunnendum til hamingju með daginn! 🥛 Mjólk er góð, fyrir mig og þig.

Óskajógúrt er sannkölluð þjóðargersemi enda hefur hún fylgt okkur um áratugaskeið og líkt og fyrir 50 árum er eingöngu notuð hágæða íslensk mjólk í jógúrtina. Það er gaman að segja frá því að nú stækkar jógúrtfjölskyldan með nýrri bragðtegund og við kynnum til leiks Óskajógúrt með eplum og perum.

Hver einasta skeið af Óskajógúrt með eplum og perum er silkimjúk með bragðgóðum bitum, stútfull af hágæða næringarefnum og einstöku bragði. Nýja Óskajógúrtin bætist í hóp sex fjölbreyttra bragðtegunda og því óhætt að segja að þín óskastund geti verið hvar sem er og hvenær sem er, því næsta Óskajógúrt er sjaldan langt undan.

Sumarið er komið hjá Ísey skyr og kynnir nú til leiks nýjan Ísey skyr próteindrykk, bananar og karamella. Vinsældir Ísey skyr próteindrykkjanna hafa vaxið mjög síðustu ár og hafa fjölmargir viðskiptavinir óskað eftir nýrri bragðtegund í flokkinn. Drykkurinn er bæði bragðgóður, næringarríkur og fitulaus og þá inniheldur hver ferna 23 g af próteinum.

Við erum stolt af þessari spennandi nýjung og vonum að neytendur taki henni fagnandi og njóti þess að gæða sér á góðum drykk hvort sem er á ferðinni, sem millimál, sem nesti í skóla, eftir æfingu eða hvar sem er. Ísey skyr – alltaf rétta augnablikið.

Sumarið kemur með Sumarostakökunni góðu en þessi ferska og bragðgóða ostakaka með ómótstæðilegri sítrónuþekju er á leið í verslanir. 

Ostakökurnar frá MS hafa til margra ára verið vinsæll eftirréttur enda bæði bragðgóðar og einstaklega handhægar. Kökurnar smellpassa við hvaða tilefni sem er og til hátíðarbrigða er gaman að skreyta þær með ávöxtum, blómum eða hverju því sem fólki dettur í hug. Þeyttur rjómi setur svo punktinn yfir i-ið en þær eru ekkert síðri einar sér með ilmandi kaffibolla, kakói eða ískaldri mjólk. 

Álformið má auðveldlega fjarlægja utan af kökunni með því að klippa lóðrétt frá toppi og niður að botni, rífa brúnina af og færa síðan yfir á fallegan kökudisk. Svo nú er ekkert eftir nema að bjóða fjölskyldu eða vinum í sumarkaffi og gæða sér á ljúffengri sumarostaköku. 

MS, KSÍ og RÚV hafa framlengt samkomulag um markaðs- og sjónvarpsréttindi Mjólkurbikarsins til næstu þriggja keppnistímabila og gildir samkomulagið því út keppnistímabilið 2027. 

Mjólkurbikarinn er eitt af mörgum samfélagsverkefnum Mjólkursamsölunnar en fyrirtækið hefur sterkar rætur í íslensku samfélagi og hefur mikla tengingu við íþróttahreyfinguna. Markmið okkar með stuðningi við fótboltann er meðal annars að auka vitund um mjólk og hollustu hennar og tengja fyrirtækið við jákvætt og uppbyggjandi íþróttastarf í landinu.

Þess má geta að Bikarkeppni meistaraflokks karla er 65 ára á þessu ári og fyrst var leikið í Bikarkeppni meistaraflokks kvenna árið 1981. Bikarkeppni KSÍ bar nafn Mjólkurbikarsins árin 1986 til 1996.  Mjólkurbikarinn sneri aftur fyrir keppnistímabilið 2018 verður nú a.m.k. út árið 2027.

Mjólkurbikar karla 2025 hófst 28. mars síðastliðinn og alls verða leiknir 44 leikir í fyrstu tveimur umferðum Mjólkurbikars karla áður en leikið verður í 32-liða úrslitum 17.-19. apríl næstkomandi og á sömu dögum hefst 1. umferð Mjólkurbikars kvenna.

Úrslitaleikirnir fara að venju fram á Laugardalsvelli – úrslitaleikur Mjólkurbikars kvenna þann 16. ágúst og úrslitaleikur Mjólkurbikars karla þann 22. ágúst. Við erum gríðarlega stolt af þessu viðamikla verkefni sem teygir anga sína um land allt og hlökkum til að krýna nýja Mjólkurbikarmeistara í lok hvers sumars.

Á meðfylgjandi mynd má sjá þau Hilmar Björnsson, Þorvald Örlygsson og Halldóru Arnardóttur við undirritun samningsins.

Mjólkin gefur styrk úthlutar 2,5 milljónum til 10 íþróttamanna

Óskajógúrt - minna plast með nýjum dósum

Úrslit í árlegri teiknisamkeppni grunnskólanema liggja nú fyrir en keppnin hófst sl. haust í tengslum við Alþjóðlega skólamjólkurdaginn. Öllum nemendum 4. bekkjar er boðið að taka þátt og hefur samkeppnin notið mikilla vinsælda í skólasamfélaginu um áraraðir enda skemmtileg leið til að brjóta upp hefðbundið skólastarf og hvatning til listsköpunar meðal nemenda. Ásthildur Lóa Þórsdóttir, nýr mennta- og barnamálaráðherra, tók í fyrsta skipti þátt í vali á verðlaunamyndum í teiknisamkeppninni og sem fyrrverandi kennari hafði hún einstaklega gaman af þessu litríka og skemmtilega verkefni.

Rúmlega 1.100 myndir bárust í keppnina frá 62 skólum um land allt og eins og alltaf er valið vandasamt enda myndirnar eins ólíkar og þær eru margar. Eftir mikla yfirlegu og krefjandi starf voru að lokum tíu myndir valdar sem vinna til verðlauna en hver mynd hlýtur 40.000 kr. peningagjöf frá MS sem rennur í bekkjarsjóð teiknaranna. „Við bíðum spennt eftir nýjum myndum á hverju ári og erum alltaf jafn ánægð að sjá hvað margir taka þátt,“ segir Gréta Björg Jakobsdóttir, markaðs- og vöruflokkastjóri. „Hugmyndaflugið sem krakkarnir hafa er óþrjótandi og þó við sjáum ákveðin þemu ár frá ári er alltaf eitthvað nýtt og spennandi sem gleður augað og kemur okkur á óvart.“

Vinningshafar í teiknisamkeppninni skólaárið 2024-2025 eru:

Árni Þór Eyþórsson – Þelamerkurskóla

Brimir Leó Eyland Hafsteinsson – Áslandsskóla

Bríet María Baldursdóttir -  Álftamýrarskóla

Davíð Nick Dmitrijsson – Áslandsskóla

Íris Harpa Helgadóttir -  Vatnsendaskóla

Jamie Mar Davidsson Oldfield – Melaskóla

María Birta Guðmundsdóttir – Húnaskóla

Snædís Embla Garðarsdóttir – Hrafnagilsskóla

Skólastjórnendum hafa verið færð gleðitíðindin og um leið og við óskum verðlaunahöfum innilega til hamingju viljum við þakka öllum þeim fjölmörgu sem tóku þátt í ár og sendu okkur myndir.

Meðfylgjandi er mynd af dómnefndinni með vinningsmyndir ársins, en allar myndirnar má sjá hér fyrir neðan og á vef verkefnisins, ms.is/teiknisamkeppni

Gréta Björg Jakobsdóttir, Ásthildur Lóa Þórsdóttir, Guðlín Ósk Bragadóttir og Steinunn Þórhallsdóttir, með verðlaunamyndirnar.

Árni Þór Eyþórsson - Þelamerkurskóla

Brimir Leó Eyland Hafsteinsson - Áslandsskóla

Bríet María Baldursdóttir - Álftamýrarskóla

Davíð Nick Dmitrijsson - Áslandsskóla

Íris Harpa Helgadóttir - Vatnsendaskóla

Jamie Mar Davidsson Oldfield - Melaskóla

María Birta Guðmundsdóttir - Húnaskóla

Snædís Embla Garðarsdóttir - Hrafnagilsskóla

Grunnskólanemar láta ljós sitt skína í árlegri teiknisamkeppni

Burrata hefur verið einn vinsælasti ostur á veitingahúsum landsins síðustu misseri en um er að ræða ferska mozzarellakúlu með mildri rjómaostafyllingu.

Framleiðsluhefðin á rætur að rekja til Ítalíu og með góðri hjálp frá ítölskum ostameisturum og nýjustu tækni getum við boðið upp á íslenskan mozzarella sem ostaunnendur og matgæðingar ættu ekki að láta fram hjá sér fara.

Með aukinni eftirspurn höfum við nú svarað kalli þeirra fjölmörgu viðskiptavina sem hafa óskað eftir minni kúlum og bjóðum við nú upp dós með tveimur litlum 50 g kúlum.

Burrata er dásamlegur ofan á pizzur og smakkast einstaklega vel með pestó og fíkjum og þá henta litlu kúlurnar einstaklega vel í forrétti og smárétti, með salatinu og góðu brauði.

Við hlökkum til að kynna þessa bragðgóðu nýjung fyrir landsmönnum og hvetjum forvitna til að sækja innblástur á uppskriftasíðu MS, wwww.gottimatinn.is 

Litlar og ljómandi góðar burrata kúlur 

Ostakjallarinn kætir bragðlauka sannra ostaunnenda með ánægju í hverjum bita en úr kjallaranum koma reglulega nýir og spennandi ostar sem fólk ætti ekki að láta fram hjá sér fara. Nokkrir ostar eru í föstu vöruúrvali en aðrir ostar eru framleiddir í takmörkuðu magni og því um að gera að vera vakandi fyrir nýjungum svo maður missi ekki af spennandi ostum.  

Kolbrún með kúmeni er nýjasti meðlimur Ostakjallara fjölskyldunnar en hér er á ferðinni einstakur og áhugaverður ostur sem vekur forvitni bragðlaukanna. Hið hlýja, kryddaða bragð kúmenfræjanna í bland við margslungna bragðtóna ostsins gerir Kolbrúnu að ómótstæðilegum kosti fyrir unnendur íslenskra osta.

Kúmenosturinn smakkast dásamlega með góðu brauði en ekki síður einn og sér og því um að gera að prófa hvort tveggja. Ef þú þekkir einhverja Kolbrúnu mælum við með að gefa henni gómsæta nöfnu úr Ostakjallaranum áður en tækifærið rennur þér úr greipum þar sem osturinn verður aðeins í verslunum í nokkra mánuði.

Kolbrún með kúmeni kætir bragðlaukana

Páskaosturinn er kominn í verslanir er hann er án efa einn af föstu punktunum í aðdraganda páskahátíðarinnar. Hér er um að ræða bragðmeiri brauðost en margir eru vanir og hefur hann notið mikilla vinsælda síðustu ár. Í ár fékk Páskaosturinn nýjar og bjartari umbúðir og skiptum við bæði um filmu og límmiða til að gera þessum ljúffenga osti hátt undir höfði.

Páskaosturinn er ostur sem ostaunnendur ættu ekki að láta fram hjá sér fara en hann er upplagt að nota sem álegg á hvers kyns brauðmeti og þá skemmir ekki að hafa bragðgóða sultu eða marmelaði með.

Nú styttist í páskana og gaman að segja frá því að páskaeftirréttirnir frá MS eru komnir í sölu.   Páskajógúrt og páskaengjaþykkni innihalda mjúka og bragðgóða jógúrt með stökkum kornkúlum og fleira góðgæti. Tilvalinn kostur sem sparimorgunverður, gómsætur millibiti eða ljúffengur eftirréttur. Hvernig væri að gera sér dagamun og leyfa sér smá?  
 
Svo styttist jafnframt í ómótstæðilega páskaostakökuna og bragðgóðan páskaostinn sem sælkerar ættu ekki að láta framhjá sér fara.

Um MS

Mannauður

Uppruni

Vöruflokkar

Vörumerki

Samfélagsleg ábyrgð

Hollusta mjólkurvara

Fréttir og tilkynningar

Rjómaostur með hvítu súkkulaði

Settu þig í hleðslu með nýrri Hleðslu

Skráning er hafin í Hleðsluhlaupið

Abt-mjólk - nýjar umbúðir, sama góða bragðið

Alþjóðlegi mjólkurdagurinn

Óskajógúrt með eplum og perum

Nýr próteindrykkur frá Ísey skyr

Sumarið kemur með Sumarostakökunni

Mjólkurbikarinn til 2027

Mjólkin gefur styrk úthlutar 2,5 milljónum til 10 íþróttamanna

Opnunartími MS um páskana

Óskajógúrt - minna plast með nýjum dósum

Grunnskólanemar láta ljós sitt skína í árlegri teiknisamkeppni

Litlar og ljómandi góðar burrata kúlur

Kolbrún með kúmeni kætir bragðlaukana

Þurfum að tryggja fæðuöryggi

Páskaosturinn er kominn í verslanir

Páskavörurnar frá MS