Fréttir

23.08.2019 | Starfsmaður MS fer hringinn fyrir Unicef

Við erum einstaklega stolt af starfsmanni MS, Einari Hansberg Árnasyni, en þessa vikuna eru Einar, fjölskylda hans og vinir að fara hringinn í kringum Ísland til að vekja athygli á átaki UNICEF gegn ofbeldi á börnum á Íslandi. Einar mun koma við í 38 sveitarfélögum og í hverju þeirra ætlar hann að róa, skíða eða hjóla 13 þúsund metra, einn metra fyrir hvert barn sem verður fyrir ofbeldi á Íslandi. Í heildina mun Einar því fara um 500 kílómetra. Ferðalaginu lýkur laugardaginn 24. ágúst í Reykjavík þar sem Einar mun hlaupa heilt maraþon fyrir UNICEF.

19.08.2019 | Selfoss Mjólkurbikarmeistarar

Þann 17. ágúst fór fram úrslitaleikur í Mjólkurbikar kvenna. KR og Selfoss áttust þar við og endaði leikurinn í framlengingu og lauk loks með 2-1 sigri Selfoss. Við óskum Selfoss til hamingju með sigurinn og þökkum um leið öllum liðum sem kepptu í Mjólkurbikar kvenna fyrir góða keppni! Til gamans má geta að starfsmaður MS tók þátt í leiknum, fyrrum landsliðskonan Hólmfríður Magnúsdóttir og ljóst að margir samstarfsmenn glöddust yfir úrslitunum.

15.08.2019 | MS fagnar fjölbreytileikanum

Hinsegin dagar fara fram um þessar mundir og MS sýnir stuðning sinn í verki með því að birta létta og skemmtilega auglýsingu fyrir Ísey skyr með skírskotun í regnbogafánann sem er tákn hinsegin samfélagsins. Við vonum að landsmenn njóti hátíðarhaldanna og óskum öllum sem taka þátt góðrar skemmtunar.

15.08.2019 | Úrslitin í Mjólkurbikar kvenna ráðast um helgina

Laugardaginn 17. ágúst mætast lið Selfoss og KR í bikarúrslitaleik Mjólkurbikars kvenna en leikurinn fer fram á Laugardalsvelli og hefst kl. 17. Mikil stemning er fyrir leiknum bæði á Selfossi og í Vesturbænum og er nokkuð ljóst að stuðningur áhorfenda mun skipta miklu máli í svona mikilvægum leik.

13.08.2019 | Reykjavíkurmaraþon - hlaupum til góðs

Þann 24. ágúst nk. fer Reykjavíkurmaraþon Íslandsbanka fram í 36. sinn og eins og undanfarin ár ætlar Mjólkursamsalan að leggja sitt af mörkum og taka þátt í áheitasöfnuninni með starfsmönnum fyrirtækisins sem taka þátt í hlaupinu. Hver starfsmaður sem hleypur fær 20.000 kr. áheit til handa sínu góðgerðarfélagi og er það óháð vegalengd sem hlaupin eða gengin er.

12.07.2019 | Landstilboð á Brauðosti

Hafið eru landstilboð á brauðosti í kílóabitum. Verðlækkunin er 20% og verður afsláttarmiði á öllum pakkningum á meðan á tilboðinu stendur.

10.07.2019 | Nýtt frá MS - D-vítamínbætt og laktósalaus nýmjólk

Nú hefur Mjólkursamsalan hafið sölu á D-vítamínbættri og laktósalausri nýmjólk. Í laktósalausri mjólk er búið að fjarlægja laktósann (mjólkursykurinn) sem er í mjólkinni frá náttúrunnar hendi og er það gert til að fleiri geti notið mjólkurinnar og þeirra mikilvægu vítamína, steinefna og próteina sem hún inniheldur. Laktósalaus nýmjólk hentar því þeim sem hafa laktósaóþol og finna til einhverra óþæginda í meltingarvegi við að neyta mjólkur.

03.07.2019 | Ísey skyr án viðbætts sykurs og sætuefna - skyrið sem beðið hefur verið eftir

Ísey skyr kynnir til leiks tvær nýjar bragðtegundir án viðbætts sykurs og sætuefna en um er að ræða fyrstu íslensku mjólkurvöruna sem er einungis bragðbætt með ávöxtum. Nýja vörulínan kallast Ísey ÁN og mun til að byrja með samanstanda af tveimur bragðtegundum, annars vegar suðrænum ávöxtum og hins vegar perum og bönunum. Ísey ÁN er afrakstur langs og strangs vöruþróunarferlis innan MS, þar sem áhersla var lögð á að koma með vöru sem væri án alls sykurs og sætuefna, en jafnframt bragðgóða.

27.06.2019 | KEA skyr fagnar 30 ára afmæli með nýju útliti og nýjum bragðtegundum

Í tilefni þess að 30 ár eru liðin síðan KEA skyr var sett á markað var ákveðið að gefa þessari íslensku skyrfjölskyldu andlitslyftingu og bjóða neytendum upp á spennandi nýjungar í leiðinni. Allar tegundir eiga það sameiginlegt að vera með eindæmum bragðgóðar, þær eru prótein- og næringarríkar, án laktósaog að sjálfsögðu unnar úr hágæða hráefnum.

13.06.2019 | Grillaðir Dalaostar gleðja bragðlaukana

Sumarið er svo sannarlega komið og þá gleðjast ekki bara blessuð börnin heldur grillarar landsins sömuleiðis. Dalaostarnir góðu eru sívinsælir á veisluborðum landsmanna en það vita það kannski ekki allir að þeir passa líka fullkomlega á grillið. Ef planið er að grilla á næstu dögum mælum við með að þið kippið með einni Sumarþrennu í næstu verslun og prófið að setja nokkrar sneiðar af uppáhalds Dalaostinum á borgarann!