Vörunýjungar

Nýtt frá MS – Kryddostur með Camembert sem smellpassar í sósuna

03.06.2021 | Nýtt frá MS – Kryddostur með Camembert sem smellpassar í sósuna

Nýjasti osturinn frá MS er kryddostur með Camembert sem kemur skemmtilega á óvart. Ólíkt hefðbundnum Camembert ostum bakast hann og bráðnar einstaklega vel og hentar því sérstaklega vel í matargerð af ýmsu tagi. Ostinn er upplagt að rífa og nota til að bragðbæta sósur, hann bráðnar vel og smellpassar á pizzur og fjölbreytta ofnrétti, svo má skera hann í teninga og baka í ofni með hnetum og sírópi. Þá er ótalin sú staðreynd að osturinn smakkast dásamlega einn sér og nýtur sín vel niðursneiddur ofan á hvers kyns brauði og kexi.

KEA skyr með saltkaramellu í takmörkuðu magni

17.05.2021 | KEA skyr með saltkaramellu í takmörkuðu magni

Nýjasta skyrið á íslenskum markaði er KEA skyr með saltkaramellu og verður það aðeins framleitt í takmörkuðu magni. Skyrið er einstaklega bragðgott með ljúffengum saltkaramellukeim og ættu skyrunnendur svo sannarlega ekki að láta það fram hjá sér fara. Umbúðirnar sækja innblástur í eldgosið í Geldingadölum og því er hér um sérstaka eldgosaútgáfu að ræða þar sem skyrfjall spúandi eldi og saltkaramellu prýðir umbúðirnar.

Ísey skyr sérútgáfa með jarðarberjum og hvítu súkkulaði

01.02.2021 | Ísey skyr sérútgáfa með jarðarberjum og hvítu súkkulaði

Við kynnum með stolti Ísey skyr með jarðarberjum og hvítu súkkulaði! Hér er um svokallaða sérútgáfu að ræða sem verður aðeins á markaði í nokkra mánuði. Bragðið er einstakt svo ekki sé meira sagt og það sama má segja um umbúðirnar en falleg landslagsmynd af Goðafossi í vetrarbúningi prýðir dósina. Ísey skyr með jarðarberjum og hvítu súkkulaði er próteinríkt og kolvetnaskert

Nýtt Léttmál

05.01.2021 | Nýtt Léttmál

Léttmál í nýju útliti er komið á markað. Gríska jógúrtin er nú enn mýkri og bragðbetri en áður og er bæði fáanleg sem hrein og með jarðarberjum í botni. Léttmál með jarðarberjum í botni inniheldur aðeins 4% viðbættan sykur. Léttmál er próteinríkt og einstaklega hentugt millimál fyrir fólk á öllum aldri.

Jólavörur MS - leyfum okkur smá...

19.11.2020 | Jólavörur MS - leyfum okkur smá...

Jólavörur MS eru nú allar komnar í verslanir en þær hafa notið mikilla vinsælda meðal neytenda undanfarin ár og orðnar fastur liður í aðdraganda jóla hjá mörgum þar sem þær lífga upp á skammdegið og gleðja börn og fullorðna.

Þær vörur sem um ræðir eru Jóla-Engjaþykkni, Jólajógúrt, Jólaostakaka, Hátíðarostur, Jóla-Yrja, Jóla-Brie og Jóla gráðaostur, að ógleymdri Jólamjólkinni en fernurnar prýða myndir af jólasveinunum þrettán eftir myndlistarmanninn Stephen Fairbairn.

Ný ab mjólk með bönunum

02.10.2020 | Ný ab mjólk með bönunum

Nú er komin ný ab-mjólk frá MS með bönunum. Dagleg neysla á ab-mjólk tryggir hæfilegt magn af a- og b-gerlum í meltingarvegi og gerir óæskilegum gerlum erfitt uppdráttar.

Gamli rjómaosturinn frá MS er nú fáanlegur á ný

16.07.2020 | Gamli rjómaosturinn frá MS er nú fáanlegur á ný

Rjómaosturinn frá MS nýtur mikilla vinsælda en hann hentar frábærlega í matargerð og bakstur svo eitthvað sé nefnt. Til að koma til móts við sem flesta neytendur var ákveðið að setja gamla rjómaostinn aftur á markað og verður hann fáanlegur í verslunum samhliða þeim nýja. Gamli rjómaosturinn er stífari en sá nýi og hentar einkar vel í eðlur, ídýfur og aðra heita rétti. Gamli rjómaosturinn kemur í 250 g umbúðum og vonum við að neytendur sem hafa saknað þess gamla geti nú tekið gleði sína á ný.

Bragðbættir rjómaostar sem beðið hefur verið eftir

14.05.2020 | Bragðbættir rjómaostar sem beðið hefur verið eftir

Nú eru komnir á markað nýir bragðbættir rjómaostar frá MS. Fimm tegundir eru í boði, hver annarri betri.Hreinn rjómaostur og rjómaostur með pipar eru endurbættar útgáfur rjómaosta sem áður voru á markaði en hinar þrjár tegundirnar eru glænýjar. Þetta eru rjómaostur með grillaðri papriku og chilli, rjómaostur með karamellíseruðum lauk og rjómaostur með graslauk og lauk. Rjómaostarnir passa við hvaða til­efni sem er, hvort held­ur ofan á kex, í sós­ur, í ofn­bakaða rétti, á pítsur og svo auðvitað í sós­urn­ar.

Um nýjan rjómaost

30.03.2020 | Um nýjan rjómaost

Undanfarið hafa staðið yfir breytingar á framleiðslulínunni á rjómaostinum og er markmiðið að koma með mýkri og betri rjómaost. Osturinn átti ekki að tapa neinum af eiginleikum þess gamla heldur að bæta við. Ný vél var keypt í framleiðsluna enda var sú sem fyrir var komin vel á aldur og úrelt á marga vegu. Nýja framleiðsluaðferðin tryggir mun betri nýtingu á mjólkinni og framleiðsla á rjómaosti er því mun umhverfisvænni en áður.

Nýir KEA skyrdrykkir

04.03.2020 | Nýir KEA skyrdrykkir

Í kjölfar árangursríkrar upplyftingar á KEA skyri síðasta sumar er nú komið að breytingum á KEA skyrdrykkjum. Vinsælasti KEA skyrdrykkurinn með jarðarberjum og bönunum heldur áfram og er nú endurbættur í nýrri fernu. Tveir nýir drykkir eru svo kynntir til sögunnar og þar ber annars vegar að nefna KEA skyrdrykk með kaffi og vanillu og KEA skyrdrykk með kirsuberjum og vanillu. KEA skyrdrykkirnir eru próteinríkir og laktósalausir og bragðast einstaklega vel.

Aðstoð

Hvernig getum við aðstoðað?