Vörunýjungar

07.11.2019 | Ísey skyr í skvísum

Ísey skyr í skvísum er nýr og spennandi kostur fyrir fólk á ferðinni. Nýja Ísey skyrið í skvísum er laktósalaust, próteinríkt og inniheldur aðeins 4% viðbættan sykur. Það er merkt skráargatinu, en skráargatið er norræn merking fyrir þær vörur sem teljast hollastar í sínum fæðuflokki og er ætlað til að hjálpa neytendum að velja sér hollari matvöru. Skyrið má enn fremur frysta, þannig að það er hægt að taka það úr frysti að morgni og grípa það með sér út í daginn ef það á ekki að nota það strax.

23.10.2019 | Nýtt frá MS: Laktósalaus G-rjómi

Nú er hafin sala á laktósalausum rjóma frá Mjólkursamsölunni. Rjóminn er UHT meðhöndlaður og geymist því auðveldlega í 6 mánuði utan kælis í óopnuðum umbúðum. Rjóminn er 36% feitur líkt og sá hefðbundni, hefur alla eiginleika þess hefðbundna og er því þeytanlegur. MS mælir þó með því að rjóminn sé þeyttur kaldur og reikna má með að þeyting taki aðeins lengri tíma en venjulega. Laktósalaus G-rjómi kemur í tveimur útgáfum: 1l fernu og 250 ml fernu.

18.09.2019 | Hrein jógúrt í 1 kg umbúðum

Hrein jógúrt frá Gott í matinn er mild og bragðgóð og hentar fullkomlega í morgunmat, kaldar sósur, bakstur, boost og ísgerð. Hrein jógúrt inniheldur 3,8 af próteinum og 3,9 g af fitu í hverjum 100 g og fæst nú í hentugum 1 kg umbúðum.

03.07.2019 | Ísey skyr án viðbætts sykurs og sætuefna - skyrið sem beðið hefur verið eftir

Ísey skyr kynnir til leiks tvær nýjar bragðtegundir án viðbætts sykurs og sætuefna en um er að ræða fyrstu íslensku mjólkurvöruna sem er einungis bragðbætt með ávöxtum. Nýja vörulínan kallast Ísey ÁN og mun til að byrja með samanstanda af tveimur bragðtegundum, annars vegar suðrænum ávöxtum og hins vegar perum og bönunum. Ísey ÁN er afrakstur langs og strangs vöruþróunarferlis innan MS, þar sem áhersla var lögð á að koma með vöru sem væri án alls sykurs og sætuefna, en jafnframt bragðgóða.

27.06.2019 | KEA skyr fagnar 30 ára afmæli með nýju útliti og nýjum bragðtegundum

Í tilefni þess að 30 ár eru liðin síðan KEA skyr var sett á markað var ákveðið að gefa þessari íslensku skyrfjölskyldu andlitslyftingu og bjóða neytendum upp á spennandi nýjungar í leiðinni. Allar tegundir eiga það sameiginlegt að vera með eindæmum bragðgóðar, þær eru prótein- og næringarríkar, án laktósaog að sjálfsögðu unnar úr hágæða hráefnum.

11.01.2019 | Nýtt frá MS: Næring+

Næring+ er nýr drykkur frá MS en um er að ræða orku- og próteinríkan drykk sem hentar vel þeim sem þurfa að þyngjast eða sporna við þyngdartapi. Næring+ er vítamín- og steinefnabættur og getur m.a. hentað eldra fólki, en með aldrinum minnkar oft matarlystin þó að þörf fyrir orku, prótein, vítamín og steinefni sé enn til staðar. Til að fyrirbyggja vöðvarýrnun og þyngdartap hjá eldra fólki er mikilvægt að það neyti orku og próteina í ríkum mæli og hentar einnig þeim sem vilja handhægt orku- og próteinríkt millimál.

05.12.2018 | Bakaðar ostakökur frá MS - fullkomnar með kaffibollanum

Nýjasta nýtt frá MS eru gómsætar bakaðar ostakökur sem henta við hin ýmsu tilefni. Fyrstu kökurnar sem koma á markað eru Bökuð marmara ostakaka og Bökuð vanillu ostakaka. Kökurnar eru góðar einar sér og himneskar með ljúffengum sósum og ferskum berjum og í raun góður grunnur til að útfæra og aðlaga að smekk hvers og eins.

30.11.2018 | Nýtt frá MS - Veislu feta í kryddolíu

Nýr Veislu feta í kryddolíu er nú kominn á markað frá MS. Veislu feta í kryddolíu inniheldur m.a. hvítlauk, steinselju, negul og myntu. Gott er að nota ostinn í salöt, heita rétti og sómir hann sér vel á veisluborðið á aðventunni.

23.08.2018 | Nýtt frá MS - Óðals Tindur og Óðals Havarti í sneiðum

Sala er hafin á nýjum Óðals Havarti og Óðals Tind í sneiðum. Osturinn er í hæsta gæðaflokki. Umbúðirnar vekja athygli og þær endurspegla það andrúmsloft sem við viljum tengja við ostinn: Úr fórum meistarans. Hingað til að hafa eingöngu tvær tegundir verið til í sneiðaformi en nú eru fáanlegar í sneiðum tvær vinsælustu tegundirnar, Tindur og Havarti.

14.05.2018 | Sumarostakakan er mætt

Ostakökur Mjólkursamsölunnar eru með vinsælli eftirréttum Íslendinga og þykja líka góðar einar sér með ilmandi kaffibolla, kakói eða ískaldri mjólk. Umbúðirnar eru með glugga þar sem bragðþekjan blasir við á girnilegan máta en sumarostakakan er með ljúffengri sítrónuþekju sem kemur skemmtilega á óvart.