Sumarið er komið hjá Hleðslufjölskyldunni sem nú kynnir til leiks sérstaka Sumar Hleðslu! Sumar Hleðsla er próteinríkur kaffidrykkur úr íslenskri mjólk og kaldbrugguðu kaffi (e. cold brew coffee). Kaffið er malað úr 100% Arabica baunum frá Eþíópíu og inniheldur ein ferna 22 g prótein og 100 mg koffín. Saman mynda kaffið og próteinrík íslensk mjólkin silkimjúka og bragðmilda kaffiblöndu sem kemur skemmtilega á óvart.

„Eftir frábærar viðtökur á Hleðslu með karamellubragði var ekki annað hægt en að gleðja Hleðslusamfélagið með annarri bragðtegund og varð kaffi fyrir valinu í þetta sinn,“ segir Halldóra Arnardóttir, markaðsstjóri hjá MS. „Sumar Hleðsla inniheldur ekki kaffibragðefni, heldur alvöru kaldbruggað kaffi og er þetta í fyrsta sinn sem  höfum við sett á markað Hleðslu með koffíni,“ bætir Halldóra við.

Hér er á ferðinni sannkallað sumar í fernu en eins og umbúðirnar gefa til kynna er hér um spennandi nýjung að ræða sem enginn Hleðslu- eða kaffiunnandi má missa af. Sumar Hleðsla geymist í kæli og þarf að hrista fyrir notkun en svo er bara að njóta og njóta vel.

Sumarið kemur með Hleðslu próteinkaffi

Ísey skyr heldur áfram að gleðja skyrunnendur og kynnir nú spennandi nýjung sem á enga sína líka. Púff er létt og loftkennt skyr sem unnið er með nýrri framleiðsluaðferð. Áferðin á nýja skyrinu er frábrugðin því sem fólk hefur vanist og kemur skemmtilega á óvart en það er bæði létt í munni og maga. Þrjár spennandi bragðtegundir koma á markað í einu og þær eru hver annarri betri: saltkaramella, kaffi og súkkulaði og jarðarber og límóna. Allar bragðtegundir eru laktósalausar. Ísey skyr Púff kemur í nýjum endurvinnanlegum umbúðum en dósin er úr þynnra plasti en áður, með pappahólk utan um og á henni plastlok í stað áloks sem var áður. 

Einn ástsælasti drykkur þjóðarinnar, sjálf Kókómjólkin, fagnar 50 ára afmæli á árinu og blæs MS til veislu af því tilefni með sérstökum afmælisumbúðum og nýrri auglýsingu. Drykkurinn kom fyrst á markað 1973 og var fyrstu tvö árin í pappahyrnu en svo tók pappafernan við. Umbúðirnar voru þá skreyttar með mynd af ketti hlusta á tónlist og allar götur síðan hefur köttur verið lukkudýr Kókómjólkurinnar. Kötturinn Klói var fyrst nafngreindur 1990 þegar umbúðirnar fengu andlitslyftingu og hefur hann aðeins þroskast og breyst á síðustu áratugum.

Í tilefni 50 ára afmælisins hefur Kókómjólkin verið færð í sérstakan afmælisbúning og prýða fernurnar nú þrjár ólíkar myndir þar sem m.a. má sjá endurgerð á myndinni sem prýddi fyrstu fernurnar; baksvipinn á ketti að njóta ljúfra tóna úr grammófóni. Nostalgían fær líka að njóta sín í nýrri Kókómjólkurauglýsingu í leikstjórn Hannesar Þórs Halldórssonar en þar er sögð sagan af einstakri vináttu sem spannar hálfa öld. Aðalhlutverkin í auglýsingunni eru höndum stórleikarans Hilmars Guðjónssonar og þriggja ungra og upprennandi leikara sem fara algjörlega á kostum í hlutverkum sínum.

Kókómjólk hefur fyrir löngu unnið hug og hjörtu Íslendinga enda passar hún vel með hverju sem er, súkkulaðisnúð eða einni með öllu, með banana eftir góða íþróttaæfingu eða ein sér hvenær sem er. Margir tengjast Kókómjólkinni sérstökum böndum og eiga góðar minningar úr æsku henni tengdri en drykkurinn hefur verið ein vinsælasta vara MS í hálfa öld og drekka Íslendingar um níu milljónir Kókómjólkurferna á hverju ári.

Kjöt, mjólk og egg einstök uppspretta ýmissa næringarefna

Mjólkurbikarinn - 16 liða úrslit karla

Boltinn byrjaður að rúlla í Mjólkurbikar kvenna

 Lokað verður hjá Mjólkursamsölunni á sumardaginn fyrsta, 20. apríl og því verða engar vörudreifingar þann dag. 

Við minnum viðskiptavini okkar á að gera viðeigandi ráðstafanir og panta vörur tímanlega miðvikudaginn 19. apríl fyrir afhendingar á föstudag.

Við minnum einnig á pöntunarvefinn okkar www.panta.ms.is. 

Starfsfólk MS sendir öllum landsmönnum bestu óskir um gleðilegt og sólríkt sumar.


Í framhaldi af ákvörðun Verðlagsnefndar búvara sem birt hefur verið á vefsíðu Stjórnarráðsins  tekur nýr verðlisti Mjólkursamsölunnar gildi frá 12. apríl næstkomandi.

 Nýr verðlisti er kominn inn á netið, https://www.ms.is/verd-og-pontunarlistar

 Verðbreytingar eru um 3-4%, en dæmi eru líka um að vörur hækki ekkert.

Verðlagsnefnd hækkar lágmarksverð til bænda og heildsöluverð á mjólk og mjólkurafurðum

Þykkmjólk er einstaklega bragðgóð og mild og á sér marga aðdáendur. Hún er fáanleg í þremur mismunandi bragðtegundum, jarðarberja, karamellu og peru/epla. 
Þykkmjólk er í 500 ml fernum og nú eru komnir tappar á fernurnar sem auðvelda enn frekar notkun og endurlokun. 

Um MS

Mannauður

Uppruni

Vöruflokkar

Vörumerki

Samfélagsleg ábyrgð

Hollusta mjólkurvara

Tengdar vörur