![Skyr og fleiri vörur fá pappaskeiðar](https://images.prismic.io/ms-www/OTg4MzQ0OGMtOTU5Yy00MWE3LThhYzMtMzgwN2UyMGFkNTYw_typa-4.png?auto=compress%2Cformat&crop=focalpoint&fit=crop&fp-x=0.50&fp-y=0.50&w=1000&h=563)
Skyr og fleiri vörur fá pappaskeiðar
Nú í byrjun júlí tekur í gildi hér á landi tilskipun frá Evrópusambandinu sem miðar að því að minnka plast í sjónum í Evrópu. Í ljós hefur komið að veiðarfæri og ýmiss konar einnota plast er 70% af plasti á ströndum í álfunni og hefur því verið ákveðið að banna hluti á borð við einnota plastskeiðar, plaströr, eyrnapinna, plastpoka, plastbolla og fleira. Markmiðið er því að draga úr plastmengun í sjónum.
MS hefur unnið hörðum höndum að því í samstarfi við birgja sína að tryggja ný papparör og pappaskeiðar (og í sumum tilvikum tréskeiðar) á vörur fyrirtækisins. Nú fá Ísey skyr og fleiri vörur frá MS pappaskeiðar í stað plastskeiða.