![Jólamjólkin á leið í verslanir](https://images.prismic.io/ms-www/ZDA1YTI3MTEtNjVmZC00MWUxLWJhNmUtYTM4YTc1NDJlY2Vi_nm97119-jolamjolk-billboard-05.jpg?auto=compress%2Cformat&crop=focalpoint&fit=crop&fp-x=0.49&fp-y=0.50&w=1000&h=563)
Jólamjólkin á leið í verslanir
Það vekur jafnan lukku þegar mjólkin frá MS fer í jólabúning og er því gaman að segja frá því að jólamjólkin er á leið í verslanir. Fernurnar prýða stórskemmtilegar jólasveinateikningarnar Stephens Fairbairn myndlistarmanns og hafa þær vakið óskipta athygli frá upphafi. Á mörgum heimilum er vinsælt að klippa sveinana út og nota í föndur í aðdraganda jólanna en myndirnar af sveinunum góðu er líka að finna á vefnum jolamjolk.is. Á vefnum má jafnframt finna litabók sem hægt er að prenta út og sitthvað fleira. Jólamjólkurumbúðirnar verða í verslunum landsins fram undir áramót.