Hleðsla fæst nú loksins í 1l fernu

Íslenski próteindrykkurinn Hleðsla hefur notið mikilla vinsælda frá því hann kom fyrst á markað en drykkurinn inniheldur hágæða prótein úr íslenskri mjólk. Fyrir tveimur árum buðum við neytendum upp á kolvetnaskerta Hleðslu í 1l umbúðum og er óhætt að segja að viðtökurnar hafi farið langt fram úr væntingum og fyrirspurnum um hefðbundna Hleðslu í samskonar umbúðum rigndi yfir okkur. Nú höfum við loksins svarað kalli viðskiptavina okkar og bjóðum upp á Hleðslu, þessa rauðu, í 1l fernu en stærri umbúðirnar henta sérstaklega vel heima við hvort sem þú kýst Hleðsluna eina sér, út í kaffi, boost og hafragraut, með uppáhalds morgunkorninu þínu eða hverju því sem fólki dettur í hug.

Prófaðu þig áfram með þessar próteinríku Hleðsluuppskriftir:

Hleðslugrautur

• 200 ml Hleðsla
• 1 dl haframjöl
• 1 dl chia fræ
• 1 dl grísk jógúrt

Blanda saman og láta standa í smá stund.

Hleðslu pönnukökur

• 150 ml Hleðsla
• 1 stk banani
• 1 stk egg
• 1 dl haframjöl

Blanda saman hráefnunum, steikja og njóta með bestu lyst.

Hleðslu boozt

• 250 ml Hleðsla
• 1/2 banani
• 2 msk haframjöl
• 1 msk hnetusmjör
• Klakar

Allt sett í blandara og hrært vel saman.