Prev Next

KEA skyr

Vörunýjungar

Ísey skyr án viðbætts sykurs og sætuefna - skyrið sem beðið hefur verið eftir

Ísey skyr kynnir til leiks tvær nýjar bragðtegundir án viðbætts sykurs og sætuefna en um er að ræða fyrstu íslensku mjólkurvöruna sem er einungis bragðbætt með ávöxtum. Nýja vörulínan kallast Ísey ÁN og mun til að byrja með samanstanda af tveimur bragðtegundum, annars vegar suðrænum ávöxtum og hins vegar perum og bönunum. Ísey ÁN er afrakstur langs og strangs vöruþróunarferlis innan MS, þar sem áhersla var lögð á að koma með vöru sem væri án alls sykurs og sætuefna, en jafnframt bragðgóða.

Lesa nánar
Fleiri vörunýjungar
Heilsugreinar

Næringarefni í mjólk

Vissir þú að það eru fleiri vítamín og steinefni í mjólk en flestum öðrum fæðugjöfum? Mjólkin er sneisafull af bætiefnum sem hjálpa til við að gera þig sterkari og hjálpa þér að vaxa, læra, leika og...

Lesa nánar
Fleiri heilsugreinar

Gott í matinn uppskriftir

Á uppskriftavef Gott í matinn finnur þú fjölbreytt úrval af einföldum og fljótlegum réttum.

Fréttir

23.08 | MS styður við góðgerðarmál hlaupara

Mjólkursamsalan leggur sitt af mörkum í áheitasöfnuninni fyrir Reykjavíkurmaraþonið sem nú er haldið í 36. sinn. MS heitir á þá starfsmenn fyrirtækisins sem taka þátt í hlaupinu og fær hver starfsmaður sem hleypur 20.000 kr. áheit til handa góðgerðarfélagi að eigin vali, óháð vegalengd sem hlaupin er. Þrettán starfsmenn skráð sig til leiks og MS styrkt hin ýmsu góðgerðarfélög um 260.000 kr. Meðal félaga sem starfsmenn hlaupa fyrir að þessu sinni eru Empower Nepali Girls en nokkrir starfsmanna MS eru einmitt frá Nepal svo að málefnið stendur þeim og samstarfsmönnum þeirra nærri. MS sendir starfsmönnum sínum, sem og öllum hlaupurum, hvatningarkveðjur.

23.08 | Starfsmaður MS fer hringinn fyrir Unicef

Við erum einstaklega stolt af starfsmanni MS, Einari Hansberg Árnasyni, en þessa vikuna eru Einar, fjölskylda hans og vinir að fara hringinn í kringum Ísland til að vekja athygli á átaki UNICEF gegn ofbeldi á börnum á Íslandi. Einar mun koma við í 38 sveitarfélögum og í hverju þeirra ætlar hann að róa, skíða eða hjóla 13 þúsund metra, einn metra fyrir hvert barn sem verður fyrir ofbeldi á Íslandi. Í heildina mun Einar því fara um 500 kílómetra. Ferðalaginu lýkur laugardaginn 24. ágúst í Reykjavík þar sem Einar mun hlaupa heilt maraþon fyrir UNICEF.

19.08 | Selfoss Mjólkurbikarmeistarar

Þann 17. ágúst fór fram úrslitaleikur í Mjólkurbikar kvenna. KR og Selfoss áttust þar við og endaði leikurinn í framlengingu og lauk loks með 2-1 sigri Selfoss. Við óskum Selfoss til hamingju með sigurinn og þökkum um leið öllum liðum sem kepptu í Mjólkurbikar kvenna fyrir góða keppni! Til gamans má geta að starfsmaður MS tók þátt í leiknum, fyrrum landsliðskonan Hólmfríður Magnúsdóttir og ljóst að margir samstarfsmenn glöddust yfir úrslitunum.

Fleiri fréttir

Þitt er valið

Öll viljum við borða hollan og góðan mat. MS býður upp á breitt úrval af næringarríkum mjólkurvörum, allt frá smjöri og ostum yfir í skyrdrykki og jógúrt. Í dag er svo komið að neytendur hafa fjölbreytt val í öllum helstu vöruflokkum MS. MS hefur unnið markvisst að því síðustu ár að minnka hlutfall viðbætts sykurs í afurðum sínum.

Lesa nánar