Hleðsla í 250 ml fernum

Hafin er sala og dreifing á Hleðslu í fernum, geymsluþolinni útfærslu af Hleðslu sem kom á markað fyrir réttu ári síðan. Hleðsla er í 250 ml. fernum og fæst í tveimur bragðtegundum, jarðarberja og létt karamellu.  
Nánar um Hleðslu og hlutverk próteina og kolvetna:
Ein ferna af Hleðslu inniheldur 22 gr. af 100% hágæða mysupróteinum, framleidd úr íslenskri mjólk. Þau eru talin henta sérstaklega vel til vöðva uppbyggingar auk annarra mikilvægra eiginleika. Hleðsla er jafnframt án hvíts sykurs og sætuefna og inniheldur agavesafa. 
Prótein í fæðunni eru samansett úr 20 amínósýrum, þar af eru 9 lífsnauðsynlegar. Þessar amínósýrur gegna mörgum mikilvægum hlutverkum í líkamanum. Þær eru t.d. grunneiningar líkamspróteinanna, sem eru m.a. byggingarefni vöðva og beina.  
Kolvetni eru mikilvægasti orkugjafi líkamans, og eru geymd í líkamanum á formi glýkógens, sem er forðabúr fyrir kolvetni og er m.a. að finna í vöðvum og lifur. Til marks um mikilvægi kolvetna sem orkugjafa, þá má benda á að heilinn nýtir aðeins kolvetni sem orkugjafa, en ekki prótein eða fitu. 
Nánari upplýsingar um Hleðslu má sjá með því að smella á tengilinn: Hleðsla íþróttadrykkur í fernu

Fleiri vörunýjungar

 

Aðstoð

Hvernig getum við aðstoðað?