Vörur MS slá í gegn

09.11.2010

Skyr og Hleðsla slógu í gegn á Norrænni mjólkurvörusamkeppni !

Dagana 2.–4. nóvember síðastliðinn fór fram samkeppni milli norrænna mjólkurvara („Scandinavian dairy contest“). Samkeppnin fór fram á Mjólkurvörusýningunni („Landsmejeriudstillingen“) í Herning í Danmörku en keppnin fer fram annað hvert ár. Til að meta hvaða vörur skara fram úr eru teknir fyrir þættir eins og samsetning, bragðgæði og útlit vörunnar. Alls bárust í keppnina 1600 vörur frá Norðurlöndunum. Mjólkursamsalan sendi nokkuð úrval af vörum í samkeppnina og var þetta í 9. sinn sem íslenskur mjólkuriðnaður tekur þátt í henni. Vörur frá MS voru sigursælar á þessu móti en Skyr.is, Hleðsla og Ab-drykkur hrepptu gullverðlaun í sínum flokkum.
„Það er mjög ánægjulegt hversu vel gekk í keppninni og gaman að sjá hversu frábæra fagmenn íslenskur mjólkuriðnaður á“, segir Jón Axel Pétursson, framkvæmdastjóri sölu- og markssviðs MS. „Skyr.is með jarðarberjabragði vann sinn flokk og fékk gullverðlaun og þar að auki heiðursverðlaun. Aðrar vörur frá MS áttu einnig góðu gengi að fagna en samtals fengu vörur MS 34 verðlaun, þar á meðal má nefna að LGG+ smáskammtarnir og Benecol fengu silfurverðlaun, Ostakaka með hindberjum hlaut bronsverðlaun auk þess sem allar bragðtegundir af KEA skyrdrykk fengu verðlaun. Nokkrir ostar voru einnig verðlaunaðir en þar má nefna Höfðingja og Gouda ost, Gotta og Maríbó ost” segir Jón Axel að lokum.

Hér fyrir neðan má sjá lista yfir þær vörur sem hlutu verðlaun:

AB mjólk með perum (Brons)
Benecol jarðarber (Silfur)
Fjörmjólk (Brons)
Gotti (Silfur)
Gouda – Ak (Brons)
Gouda – KS (Brons)
Heimilisjógúrt með ferskjum (Brons)
Hleðsla – vanillu (Silfur)
Hleðsla jarðarb (Gull)
Hreint skyr 500g (Selfoss) (Silfur)
Hrísmjólk með karamellu (Brons)
Húsavíkur léttjógúrt með perum og vanillu (Brons)
Húsavíkurjógúrt með hnetum og karamellu (Brons)
Höfðingi (Brons)
Kea skyrdr. með bláberjum (Brons)
Kea skyrdr. með hindberjum/trönuberjum (Silfur)
Kea skyrdr. með jarðarberjum/bönunum (Silfur)
Kea skyrdr. með mangó/ástaraldin (Brons)
Kókómjólk (venjuleg) (Silfur)
Létt AB mjólk (Brons)
Létt AB mjólk með ferskjum og vanillu (Brons)
Léttur AB drykkur með ferskjum (Silfur)
Léttur AB drykkur með jarðarberjum (Gull)
LGG+ jarðarber (Silfur)
LGG+ perur (Silfur)
Maríbó/kúmen (Silfur)
Ostakaka með hindberjum (Silfur)
Skyr með bláberjum (Gull)
Skyr.is bláber 170 g (Brons)
Skyr.is jarðarberja (Gull – Heiðursverðlaun)
Skyr.is með melónu og ástaraldin (Brons)
Sms skyr (Gull)

Fleiri fréttir