Viku nyt úr 10.000 kúm þurfti til að útvega næga mjólk í bolludagsrjómann !

11.02.2013

Nær áttatíu þúsund lítrar af rjóma fóru út í verslanir og bakarí vikuna í aðdraganda bolludagsins. Til þess þarf um eina milljón lítra að mjólk sem er það magn sem fæst úr 10.000 kúm á einni viku. Á Íslandi eru um 25.000 mjólkurkýr og því þurfti 40 % af heildarstofninum til þessa verkefnis. 
Að sögn Aðalsteins H. Magnússonar sölustjóra hjá Mjólkursamsölunni er gífurlegt magn af rjóma notað ár hvert í kringum bolludaginn. Ef miðað er við meðal viku, þá þrefaldast rjómamagnið vikuna fyrir bolludag. Mikið af rjómanum er notaður á heimilum en bakarar eru einnig stórtækir notendur. 

Fleiri fréttir