Úrslit í teiknisamkeppni

15.04.2011

Ellefti Alþjóðlegi skólamjólkurdagurinn 2010

Úrslit í teiknisamkeppni barna í 4. bekk grunnskólanna

Menntamálaráðherra, Katrín Jakobsdóttir, tilkynnti fyrir skömmu úrslit í teiknisamkeppni Alþjóðalega skólamjólkurdagsins, sem haldinn er hátíðlegur síðasta miðvikudag í september ár hvert. Eins og undanfarin ár barst mikill fjöldi teikninga í samkeppnina sem Fræðslunefnd mjólkuriðnaðarins stendur að hér á landi. Að sögn Guðnýjar Steinsdóttur, markaðsstjóra MS, var þátttakan í keppninni nú svipuð og undanfarin ár og bárust um 1300 teikningar frá 60 skólum alls staðar að af landinu. Tíu nemendum eru veittar viðurkenningar fyrir teikningar sínar að loknu vali á úrtaki mynda sem lagt var fyrir menntamálaráðherra, sem jafnframt er formaður dómnefndar.

Markmið keppninnar er að vekja athygli á mikilvægu hlutverki mjólkur í daglegu mataræði barna. Neysla mjólkur hefur aukist í grunnskólum á undanförnum árum, sem m.a. má rekja til mjólkurkælivéla sem víða hafa verið settar upp í skólunum.

Alþjóðlegi skólamjólkurdagurinn er haldinn að undirlagi Matvælastofnunar Sameinuðu þjóðanna, FAO. Að því tilefni, sem fyrr segir, fer árlega fram hér á landi teiknisamkeppni meðal nemanda í fjórða bekk í grunnskólum landsins. Eru verðlaunateikningarnar notaðar á veggspjöld og annað kynningarefni vegna Skólamjólkurdagsins sem fram fer í september ár hvert.

Vinningshafarnir:
Sólveig Blær BjörnsdóttirAusturbæjarskóla; Þórunn Elísa ÞórisdóttirHvassaleitisskóla;Vladislav KrasovskyFellaskóla;Hilmar AlbertssonHúsaskóla; Logi GunnarssonSmáraskóla; Hildur Björg JónsdóttirHofstaðaskóla; Kristinn Ingi KristjánssonGerðaskóla; Sigmar Marijón FriðrikssonGerðaskóla; Álfheiður Agla OddbjörnsdóttirGrunnskóla Fjallabyggðar;Þorbjörg Una HafsteinsdóttirGlerárskóla.

Til sýnis á vefnum
Hver verðlaunahafanna fær 25 þúsund krónur, sem renna óskiptar í bekkjarsjóð viðkomandi. Vinningsteikningarnar verða senn aðgengilegar á vefslóðinni www.skolamjolk.is

Nánari upplýsingar
Nánari upplýsingar um verðlaunin og Alþjóðalegan skólamjólkurdag FAO veitir Guðný Steinsdóttir, markaðsstjóri MS, í síma 860 - 2282.

 
 
Mynd að ofan: F.v. Katrín Jakobsdóttir menntamálaráðherra, Guðný Steinsdóttir, markaðsstjóri MS, Baldur Jónsson frá Fræðslunefnd mjólkuriðnaðarins og Guðríður Halldórsdóttir fulltrúi frá MS.
Mynd: Ein af vinningsmyndunum í ár
 
 
Mynd: Ein af vinningsmyndunum ár
Vinningsmyndirnar fyrir 2010 má sjá með því að smella á linkinn teiknisamkeppni 2010

Fleiri fréttir