Tafir í vöruafgreiðslu hjá Mjólkursamsölunni

Fréttatilkynning frá Mjólkursamsölunni 20. júní 2008

 

 

 

 

Mjólkursamsalan í Reykjavík hefur tekið upp nýtt sölu- og dreifikerfi auk þess sem vörutiltekt og dreifing á ferskvörum og ostum sameinast.

 

Nú geta viðskiptavinir MS pantað bæði mjólkurvörur og osta á sama stað. Þessar breytingar eru hluti af því hagræðingarferli sem hófst hjá Mjólkursamsölunni fyrir einu og hálfu ári.

 

Fyrsta kastið má gera ráð fyrir einhverjum hnökrum eða töfum á afgreiðslu á vörum MS og viljum við biðja þá viðskiptavini okkar sem fyrir þeim verða afsökunar á þeim óþægindum sem það kann að valda.

 

Um þessar mundir er mikið álag á símakerfi söludeildar MS og fyrirtækið bendir viðskiptavinum sem ætla að panta símleiðis að hægt er að senda vörupantanir á netfangið soludeild@ms.is.

 

- - -

 

Nánari upplýsingar veitir:

Jón Axel Pétursson, framkvæmdastjóri sölu- og markaðssviðs MS,

sími: 569 2271.