Sýnd í yfir 20 ár

16.11.2016

Frá því að dagur íslenskrar tungu var fyrst haldinn hátíðlegur árið 1996 hefur MS lagt sitt af mörkum við að varðveita og efla íslenska tungu undir yfirskriftinni ,,Íslenska er okkar mál“. Þetta hefur fyrirtækið meðal annars gert með málfarsábendingum á mjólkurfernum, látið gera veggspjöld með okkar helstu skáldum og rithöfundum og staðið fyrir nýyrðasamkeppni, svo eitthvað sé nefnt. Síðast en ekki síst hefur Mjólkursamsalan með auglýsingum í blöðum og ljósvakamiðlum hvatt til árvekni og samstöðu allra landsmanna um að standa vörð um móðurmálið.

Að gæta hennar gildir hér og nú,
það gerir enginn nema ég og þú.

Þessar ljóðlínur eftir Þórarin Eldjárn syngur Alexandra Gunnlaugsdóttir um íslenska tungu í  sjónvarpsauglýsingu Mjólkursamsölunnar. Ljóðið samdi Þórarinn Eldjárn sérstaklega fyrir fyrirtækið árið 1994 í tilefni af samstarfi MS og Íslenskrar málnefndar um varðveislu móðurmálsins. Auglýsingin hefur verið sýnd árlega á tyllidögum í yfir tuttugu ár og er sígild, rétt eins og það viðfangsefni að standa vörð um móðurmálið.

 

 

Fleiri fréttir