Skólaheimsóknir - verðlaun í getraun

08.02.2012

Vikuna 23.-26. Janúar stóðu yfir skólaheimsóknir og heimsóttu mikill fjölda barna í 8, 9 eða 10 ára bekk Mjólkursamsöluna. Með hverjum bekk komu 1-2 fylgdarmenn.
Farið var með börnin um Mjólkursamsöluna og þeim sýnt ferli framleiðslunnar. Margt annað var gert börnunum til fróðleiks og skemmtunar. Með hverjum hóp fór einn leiðsögumaður sem sýndi börnunum mynjasafnið og svo pökkunarsalinn, svo dæmi sé tekið.Þá mætti Bjarni töframaður á staðinn og var með töfrabrögð sem voru frábær.Börnin fengu einnig að heimsækja ísgerðina og fóru þaðan í fundarsalinn og fengu mjólk, kleinu, eplabita og ís. Í fundarsalnum var búið að setja upp getraun og áttu börnin að geta hversu margar kókómjólkurfernur voru í stæðunni sem búið var að raða upp, við stæðuna upphófust miklar pælingar og spekulasjónir.

Veitt voru verðlaun fyrir fyrstu þrjú sætin í getrauninni og kom það í hlut Kelduskóla Korpu 3. og 4. bekkur (2305 fernur), Hraunvallaskóla 3DH (2320 fernur) og Kelduskóla Vík 3N (2324 fernur) að vinna fyrstu verðlaun þessir þrír skólar voru næstir réttum fjölda í af fernum í mjólkurstæðunni, en rétt svar var 2299 fernur.

Börnin í bekkjunum þrem sem unnu fengu sykurskerta kókómjólk sex pakk, stuttermaboli og bíómiða

 

Mynd af krökkunum má sjá hér fyrir neðan.

 

 
 
 

Fleiri fréttir