Plastlaus september - Hverju hefur MS breytt?

18.09.2018

Nokkur stór skref hafa verið tekin í að minnka plastnotkun og breyta umbúðum svo minna álag sé á umhverfið. MS hefur á síðustu misserum skoðað umbúðir fyrirtækisins með það að markmiði að draga úr plastnotkun. Hérna má lesa umhverfisstefnu fyrirtækisins https://www.ms.is/um-ms/stefna-ms/umhverfisstefna

Markað var í áætlanagerð fyrir árið 2018 að fjarlægja plaströrin af G-mjólkurfernum sem fyrirtækið framleiðir og flytja vörur í umbúðir með minna kolefnisspor. Nú þegar er búið að fjarlægja rörin af umbúðum G-mjólkurinnar og í vor fóru allir drykkir á borð við KEA skyrdrykk, jógúrtdrykk og ab-drykk úr plastdósum yfir í pappafernur.

Þar með urðu engir drykkir lengur fáanlegir í plastumbúðum hjá fyrirtækinu. 

Enn fremur er verið að skoða leiðir til að draga úr plasti í umbúðum fyrir mjólkurrétti á borð við skyr og jógúrtumbúðum plasti í skyr- og jógúrtumbúðum og er það gert í samráði og samvinnu við innlend og erlend fyrirtæki sem sérhæfa sig í umbúðalausnum fyrir matvæli.

Fernur

Árið 2017 skipti MS mjólkurfernunum sínum út fyrir nýjar og umhverfisvænni fernur sem eru ekki eingöngu endurvinnanlegar heldur jafnframt búnar til úr endurnýjanlegu hráefni úr plönturíkinu. Ferska mjólkin sem árlega er pakkað í 25 milljón fernur árlega er nú í umbúðum gerðum úr pappa úr ábyrgri skógrækt og plasti sem framleitt er úr sykurreyr.

MS er fyrsta fyrirtæki sinnar tegundar í heimi sem setur allar mjólkurfernur í þessar umbúðir sem eru þær umhverfisvænstu sem völ er á fyrir drykkjarmjólk og við þessa breytingu varð kolefnisspor fernanna 66% minna en áður (Tetrapak, 2017). 

Tappinn má fara með fernunni beint í endurvinnslu sem auðveldar sorpflokkun.

Pappinn í fernunum er úr ábyrgri skógrækt: 
Pappinn í fernunum er með vottun frá FSC™ (Forest Stewardship Council) og annarri vottaðri trjávinnslu. Með ábyrgri skógrækt er átt við að skógar sem nýttir eru til uppskeru fá að endurnýja sig og trjávexti er haldið gangandi.

Plastið í tappanum er ólíkt öðru plasti þar sem það er ekki unnið úr olíu, heldur úr sykurreyr

Sykurreyrinn er aðallega gróðursettur á rýru beitilandi og niðurníddum högum. Hverja plöntu er hægt að nýta til uppskeru í 5-7 ár áður en planta þarf nýrri. Með þessari nýju aðferð er ekki gengið á takmarkaðar jarðefnaauðlindir við framleiðsluna. Á sama tíma er dregið úr aukinni losun koltvísýrings út í andrúmsloftið þar sem sykurreyrinn bindur koltvísýring á líftíma sínum.

Fjölnota ytri umbúðir

Mjólkursamsalan hefur um árabil notað stálvagna og grindur til að flytja mjólk og mjólkurvörur til verslana og með því sparað notkun einnota ytri umbúða. Þetta fyrirkomulag er bæði fyrirtækinu og verslunum til mikils hægðarauka – svo ekki sé minnst á umhverfislegan ávinning þar sem vagnarnir eru í stöðugri hringrás milli MS og verslana og notaðir aftur og aftur.

Enn fremur er hafin notkun á fjölnota kössum fyrir osta. Fyrst um sinn hafa þeir verið notaðir undir rifinn ost til aðila á fyrirtækjamarkaði (stórnotenda), en stefnt er að því að auka hlut þessara margnota kassa í flutningum á fleiri vörum og til smásöluaðila.

Plastbakkarnir sem skyrinu er raðað í eru framleiddir úr endurunnu plasti, þeim er safnað saman af verslunum og skilað aftur til endurnýtingar.

Hverning hefur verið tekið í breytingarnar af neytendum?

Samhliða breytingu á fernum vildi Mjólkursamsalan vekja neytendur til umhugsunar um að tómar umbúðir eru ekki rusl og hvetja um leið til endurvinnslu. Yfirskriftin var Fernur eiga framhaldslíf. Haldin var ráðstefna árið 2017 í samstarfi við Festu, samfélagsábyrgð fyrirtækja og Tetra Pak. Aðalskilaboð Erik Lindroth umhverfisstjóra Tetra Pak í N-Evrópu sem var með erindi á fundinum:  „…tómar umbúðir eru ekki rusl heldur efniviður til að framleiða nýjar umbúðir.“

Könnun á vegum Gallup í júní 2017 sýndi að 64% neytenda  tók eftir breytingum á umbúðunum og yfirgnæfandi meirihluti eða 86,7% var jákvæður gagnvart þeim.

Sérstök vefsíða var útbúin með upplýsingum fyrir neytendur: https://www.ms.is/endurvinnsla/, einfaldar auglýsingar og þá voru samfélagsmiðlar notaðir til að koma endurvinnsluskilaboðum áleiðis, t.d. í formi myndbands þar sem kennt var að brjóta saman fernuna. Myndband MS um endurvinnslu á mjólkurfernum hefur verið skoðað yfir 48.000 sinnum á YouTube og yfir 15.000 manns hafa séð sama

Myndband á Facebook síðu fyrirtækisins

Fleiri fréttir