Nýir og spennandi Ostóber ostar

08.10.2020

Það hefur vonandi ekki farið framhjá neinum að Ostóber er í fullum gangi og einstaklega gaman að geta sagt frá því að nú eru komnir á markað sérstakir Ostóber ostar. Um er að ræða fimm glænýja osta sem framleiddir voru sérstaklega fyrir þetta tilefni en þeir verða seldir í takmörkuðu upplagi nú í október.

Diagram, timelineDescription automatically generated

Fyrst ber að nefna Óðalsostana Gouda sterkan, Ísbúa og Tind sem allir hafa fengið lengri þroskunartíma en venjulega eða meira en tólf mánuði og bera því merkið 12+ á nýjum umbúðum. Á þessum tíma verða ostarnir einstaklega bragðmiklir og sérkenni hvers og eins verða enn sterkari. Í Gouda sterkum 12+ fylgja mjúkir smjörtónar kröftugu bragðinu, Ísbúi 12+ hefur flauelsmjúka áferð og parast vel með sætu og söltu og þá er Tindur 12+ ómótstæðilegur með sinni stökku áferð og sæta eftirbragði.

A picture containing table, indoor, sitting, pieceDescription automatically generated

Tveir ostanna bera svo nafn Búra en þeir bræður gætu ekki verið ólíkari. Búri með sinnepsfræjum og kúmeni er bragðbættur ostur þar sem ólíkum kryddtegundum er blandað saman á einstakan hátt. Útkoman er kraftmikið bragð með smá keim af fortíðarþrá. Búri með trönuberjum og lime er bragðbættur ostur þar sem sætt og súrt bragð mætast á einstaklega spennandi hátt. Framandi bragð og sannkölluð veisla fyrir bragðlaukana.

Taktu þátt í Ostóber því nú er svo sannarlega tími til að njóta osta!

 

 

Fleiri fréttir

 

 

Aðstoð

Hvernig getum við aðstoðað?