MS styrkir Samtök móðurmálskennara

Mjólkursamsalan er stoltur styrktaraðili afmælishátíðar Samtaka móðurmálskennara. Samtökin fögnuðu á þessu ári 40 ára afmæli starfsemi sinnar og af því tilefni var haldin hátíð í Þjóðminjasafninu í byrjun október. Á hátíðinni var efnt til málþings um niðurstöður rannsóknar undir forystu Kristjáns Jóhanns Jónssonar, dósents við HÍ um íslenskt mál: Íslenska sem námsgrein og kennslutunga. Ennfremur var haldin samkeppni meðal framhaldsskólanema og nemenda í efstu bekkjum grunnskóla. Óskað var eftir textum af öllu tagi t.d. rappi, ljóðum, örleikritum, örsögum og hugleiðingum þátttakenda. Vinningshafar voru verðlaunaðir og fluttu þeir texta sína á hátíð samtakanna.

Við óskum Samtökum móðurmálskennara innilega til hamingju með 40 ára afmælið.

Fleiri fréttir