Mjólkursamsalan gefur tvær og hálfa

04.12.2009

Mjólkursamsalan gefur tvær og hálfa
milljón króna til hjálparstarfs innanlands

Mjólkursamsalan, sem er í eigu 700 bændafjölskyldna um land allt, hefur gefið matvæladreifingu á vegum Mæðrastyrksnefndar, Hjálparstarfs kirkjunnar og Reykjavíkurdeildar Rauða krossins tvær og hálfa milljón króna. Þessi félagasamtök sameinast um jólaaðstoð fyrir heimili sem líða skort.
Að sögn hjálparsamtakanna er vaxandi þörf fyrir slíka aðstoð í því erfiða árferði sem nú er. Áætlað er að um 3500 fjölskyldur muni leita aðstoðar samtakanna í ár sem er um 30 % aukning frá fyrra ári. Stór hópur mun vera að koma í fyrsta sinn og því verða þetta þung skref fyrir marga.  
Mjólkursamsalan óskar hjálparsamtökunum velfarnaðar við þau verkefni sem bíða þeirra fyrir jólin.




Mynd: Jónas Þórir Þórisson Framkvændastjóri Hjálparstarfs Kirkjunnar og Ragnhildur G. Guðmundsdóttir Form. Mæðrastyrksnefndar Reykjavíkur í hópi nokkura starfsmanna í mjólkurvörudreifingu MS talið frá vinstri; Gopal Gurung, Jaroslaw, Marke, Dev Raj Gurung, Dawid Jeka. Þeir verða að störfum fram á aðfangadag og dreifa meðal annars mjólkurvörum til dreifistöðva hjálparsamtakanna.
 

Fleiri fréttir