Létt og laggott hætt eftir 30 ára framleiðslu

05.03.2018

Fituskerta viðbitið Létt og laggott, sem kom fyrst á markað 1988, hefur verið tekið úr framleiðslu. Viðtökurnar á sínum tíma voru mjög góðar og náði salan hámarki 1991 en það ár seldust 1.072.383 dósir. Síðan þá hefur salan minnkað mikið og í fyrra var hún aðeins 280.303 dósir.

Mjólkursamsalan stóð frammi fyrir því að þurfa að endurnýja tækjabúnaðinn á Selfossi með viðeigandi kostnaði sem þótti ekki vænlegt fyrir vöru í samdrætti. Neytendur þurfa hins vegar ekki að bíða lengi eftir öðru léttu viðbiti þar sem MS mun á næstunni bjóða upp á létt Smjörva og er hann væntanlegur í verslanir í apríl.

Fleiri fréttir