Íslensk krækiber fá nýtt hlutverk !

10.05.2012

Mjólkursamsalan og samstarfsaðilar í íslenskri berjatínslu vinna nú saman að markaðssetningu á Sumarjógúrti 2012 en þetta er fyrsta varan sem inniheldur alíslensk krækiber og er framleidd hjá MS Selfossi. Uppskeran kemur víða að en krækiber eru sérlega rík af andoxunarefnum og vítamínum.

Spennandi verður að sjá viðbrögð neytenda við þessari vöru og eru væntingar til sölu allnokkrar enda í fyrsta sinn sem íslensk krækiber eru notuð í jógúrtframleiðslu.  
Að sögn Dr. Björns S. Gunnarssonar vöruþróunarstjóra hjá MS takmarkast framboðið á Sumarjógúrti við berjabirgðirnar að þessu sinni. Þetta er mjög spennandi tilraun sem gæti leitt til meira framboðs síðar með samstilltu átaki í berjatínslu. 
Vert er að geta þess að á hinum Norðurlöndunum er berjatínsla og berjaiðnaður mjög öflug matvælagrein. 
 
 
 
 
Mjólkursamsalan ehf
Sölu-og markaðssvið
 
Nánari upplýsingar veita Björn S. Gunnarsson - Vöruþróunarstjóri s. 898 5907 og Guðný Steinsdóttir - Markaðsstjóri s. 860 2282. 
 

Fleiri fréttir