Frábær árangur Hleðslu!

07.05.2010

Hleðsla frá MS tekur próteinmarkaðinn með trompi 

Hleðsla frá MS, er nú vinsælasti próteindrykkur á Íslandi eftir einungis þrjá mánuði á markaði.  
„Við erum ótrúlega ánægð með árangurinn” segir Guðný Steinsdóttir, markaðsstjóri MS, „sérstaklega þegar haft er í huga að Hleðsla kom á markað í byrjun febrúar. Hleðsla hefur ákveðna sérstöðu fram yfir aðra próteindrykki á markaðnum, þannig er Hleðsla eini drykkurinn sem framleiddur er úr íslenskum mysupróteinum og inniheldur einungis mysuprótein. Hleðsla hefur slegið í gegn, bæði meðal íþróttafólks og almennings og það er hreint út sagt frábært hvað neytendur hafa tekið þessari nýju, íslensku vöru með opnum örmum” segir Guðný að lokum.

Um Hleðslu:
Hleðsla nýr ferskur íþróttadrykkur sem inniheldur 100% hágæða mysuprótein, framleidd úr íslenskri mjólk. Skammturinn inniheldur 22 g af próteini. Hleðsla er jafnframt án hvíts sykurs og sætuefna og inniheldur agavesafa. Hleðsla hentar vel eftir æfingar og milli mála. Hleðsla er nú mest seldi próteindrykkur á Íslandi skv. sölutölum AC Nielsen frá Capacent (1. febrúar – 28. mars).
Nánari upplýsingar er að finna á www.ms.is.

Fleiri fréttir