Fossvogshlaup Hleðslu 23. ágúst

21.08.2018

Fossvogshlaup Hleðslu er orðinn fastur liður meðal margra hlaupara og hefur verið valið eitt af vinsælustu götuhlaupum landsins síðustu ár. Hlaupið byrjar og endar við Víkina í Fossvogi og geta þátttakendur valið á milli þess að hlaupa 5 eða 10 km.

Fossvogshlaup Hleðslu fer að þessu sinni fram fimmtudaginn 23. ágúst en um er ræða einstaklega skemmtilegt hlaup sem hentar jafnt byrjendum sem lengra komnum. Stemningin eftir hlaup er líka einstök en boðið er upp á veitingar í íþróttasalnum í Víkinni að hlaupi loknu en þar fer jafnframt fram verðlaunaafhending og afhending á glæsilegum útdráttarverðlaunum.

Við hvetjum alla áhugasama til að taka þátt og hlaupa með Hleðslu og Almenningsdeild Víkings í Fossvoginum.

Skráning er í fullum gangi á hlaup.is

Fleiri fréttir