Endurnýjuð 60 milljón lítra vinnslustöð MS opnuð formlega á Selfossi !

30.10.2013




Föstudaginn 11. október opnaði Mjólkursamsalan formlega, endurnýjaða vinnslustöð á Selfossi þegar Sigurður Ingi Jóhannsson, land¬búnaðarráðherra, ræsti stærstu mjólkur¬pökkunarvél búsins. Mjólkurvinnsla á Selfossi verður stækkuð um 40% við það að liðlega 20 milljóna lítra mjólkurpökkun flyst frá Reykjavík. Mjólkursamsalan hefur þá fjárfest í Selfossbúinu fyrir rúmlega einn og hálfan milljarð króna á fjórum árum. Hluta af fjárfestingunni var varið til endurnýjunar G-vörudeildar á síðustu tveimur árum.
Heildar¬endurskipulagningu búsins og mjólkurvinnslu í landinu er því um það bil að ljúka. MS tekur á móti 60 milljón mjólkurlítrum á ári á Selfossi og umbreytir í hollar og góðar mjólkurafurðir fyrir neytendur. Við opnunina sagði Einar Sigurðsson, forstjóri MS að með endurnýjun vinnslu¬stöðvarinnar yrði öll vinnsla og pökkun drykkjarmjólkur fyrir vestan og sunnanvert landið færð til Selfoss og þar yrði einnig framleiðsla á sýrðum vörum og viðbiti (smjörvörum) fyrir allt landið, auk vinnsla og pökkun á nær öllum sýrðum vörum á borð við skyr og jógúrt. Mesta breytingin yrði þó í þessum mánuði þegar öll mjólkurpökkun flyst frá Reykjavík til Selfoss.

„Markmið fyrirtækisins er að tryggja neytendum mikið vöruúrval og vörugæði og hagkvæmt vöruverð. Uppbyggingin á Selfossi styrkir fyrirtækið í sókn að þessum markmiðum. Við erum þegar komin með á markað fyrstu nýjungarnar í drykkjarvörum og neyslu¬mjólk í breyttum um¬búðum. Von er á enn fleiri nýjungum í öllum þessum vöruflokkum“.
Guðmundur Geir Gunnars¬son, mjólkur¬¬bússtjóri á Selfossi, sagði að það yrði sannarlega áskorun fyrir starfsfólk á Selfossi að taka á móti til vinnslu öðrum hverjum lítra mjólkur sem framleiddur er í landinu. „Við búum hér að yfir 80 ára reynslu, mikilli fagþekkingu og frábæru og samhentu starfsfólki. Við ætlum okkur stóra hluti, ekki aðeins í því magni sem fer hér í gegn, heldur einnig í áframhaldandi vöruþróun og áherslum á vörugæði. Við ætlum að tryggja markaðnum hér bestu mjólkurafurðir sem völ er á“.
Frá því að MS var stofnuð í núverandi mynd í ársbyrjun 2007, hefur orðið mikil hagræðing í greininni og með því hefur árs¬kostnaður við mjólkur¬vinnslu í landinu verið lækkaður um ríflega tvo milljarða króna eða um liðlega 20%. Ávinningi af því hefur verið veitt til bænda í formi hærra hráefnisverðs og til neytenda með því að haldið hefur verið aftur af verðshækkunum. Yfir 200 gestir fylgdust með opnun endurnýjaðrar stöðvar og voru viðstaddir auk ráðherra, starfsmanna, núverandi og fyrrverandi, þingmanna, sveitarstjórnarmanna og fulltrúa verslunarinnar.

Hér fyrir neðan má sjá nokkrar myndir frá opnuninni.


Egill Sigurðsson stjórnar¬formaður ávarpar gesti.


Einar Sigurðsson forstjóri ávarpar gesti.


Sigurður Ingi Jóhannsson ráðherra ræsir pökkunarvélina.


Guðmundur Geir bústjóri og ráðherra skála í mjólk.

Fleiri fréttir