Einföldun á vöruframboði

Framleiðslu á léttmjólk í 1 lítra umbúðum án D-vítamíns hefur nú verið hætt. Er ástæðan einföldun vöruframboðs en eftir þetta verða engu að síður 18 vörunúmer í pakkaðri mjólk. Sala á léttmjólk án D-vítamíns hefur dregist saman svo tekin var ákvörðun um að framleiða aðeins léttmjólk sem væri D-vítamínbætt og laktósafría léttmjólk með D-vítamíni.

Árið 2012 hófst sala á D-vítamín bættri mjólk á Íslandi sem var gert samkvæmt ráðleggingum og hvatningu embættis landlæknis og rannsóknarstofu í næringarfræðum við HÍ og Landsspítala. D-víta­mínn­eysla lands­manna er tals­vert und­ir ráðlegg­ing­um og er D-víta­mínn­eysla ung­menna sér­stak­lega lág.

A og D vítamín fylgja mjólkurfitunni og því er minna af vítamínum í léttmjólk á móti því sem finnst í nýmjólk. Af þeim orsökum er oft bætt við vítamíni í léttmjólk erlendis.

Léttmjólk kom á markað árið 1981 eftir umræðu í nokkur ár um þörf á fituminni mjólk fyrir neytendur sem væri með færri hitaeiningar en innihéldi jafnframt sem mest af næringarefnum. Sala á undanrennu hafði þá aukist mikið árin á undan.

Mun Mjólkursamsalan bjóða uppá eftirfarandi ferska hvíta mjólk eftir þetta:

• Nýmjólk
• Nýmjólk D-vítamínbætt
• Léttmjók D-vítamínbætt
• Léttmjólk, laktósafrí með D-vítamíni
• Fjörmjólk með A og D-vítamínbætt
• Undanrennu
• Stoðmjólk, sérhönnuð fyrir ungabörn

Fleiri fréttir