Marsípanterta með rjómafyllingu

Matreiðsluleiðbeiningar

Stífþeytið egg og sykur og blandið sigtuðu hveiti, lyftidufti og vatni saman við. Notið kantað mót 30 x 40 cm eða búið til bréfmót. Bakið við 170-180°C í miðjum ofni í 10-12 mín. Skerið kökuna út að vild.

Fylling:
Þeytið rjómannm blandið muldum makrónukökum og vanillusykri saman við. Vætið neðsta botninn með 3 msk af ananassafa og dreifið ananasbitum á hann. Setjið helminginn af fyllingunni ofan á, þá annan botn, vætið með 3 msk af jarðarberjasafa. Dreifið jarðarberjunum og afganginum af fyllingunni yfir. Setjið síðasta botninn efst. Smyrjið þunnu rjómalagi utan á kökuna til þess að marsípanið losni síður frá henni.

Marsípan:
Hnoðið möndlumassa, flórsykur og eggjahvítu vel saman. Bætið matarlitnum í og hnoðið vel. Fletjið út á milli arka af bökunarpappír og skerið hæfilegt lag ofan á tertuna og borða á hliðarnar. Skreytið að vild. Best er að setja kökuna saman 6-8 tímum fyrir notkun.