Herragarðskaka

Matreiðsluleiðbeiningar

Hitið mjólkina í 37°C og blandið gerinu saman við. Bræðið smjörið og látið rjúka. Hrærið salti, sykri, eggi og kardimommum saman við vökvann ásamt smjörinu og hluta af hveitinu. Hrærið vel þar til deigið verður seigt. Látið lyfta sér í 30-45 mín. eða um helming.
Hnoðið vel, bætið hveiti í eftir þörfum. Takið 1/3 af deiginu og fletjið út í kringlótta köku og klæðið innan í kökumót u.þ.b. 30 sm í þvermál, vel upp með hliðum. Breiðið eggjakremið yfir. Fletjið afganginn af deiginu út í ferkantaða köku u.þ.b. 65x35 sm. Jafnið marsipankreminu yfir og stráið kanilsykri jafnt þar yfir. Rúllið kökunni upp og skerið í jafna snúða u.þ.b. 2 sm. Raðið þeim ofan á eggjakremið og stráið rúsínum á milli (má sleppa). Þrýstið kantinum í sömu hæð og snúðarnir eru. Látið kökuna lyfta sér í 50-60 mín. Penslið með eggjablöndu og stráið perlusykri yfir. Bakið við 180°C í 35-45 mín. Tilvalið er að baka tvær minni kökur úr deiginu. Setja má glassúr á kökuna.

Eggjakrem:
Blandið saman í pott hveiti, sykri, mjólk og eggjarauðu. Hitið að suðu, hrærið vel í á meðan og látið sjóða í 5 mín. Bragðbætið með vanillusykri og salti. Kælið.

Marsípanfylling:
Hrærið allt vel saman.