Blæjuterta

Matreiðsluleiðbeiningar

Þeytið egg og sykur í stífa froðu. Blandið þurrefnunum samn við með sleif ásamt vaniljudropunum. Bakið í lausbotna mótum, 30 sm í þvermál, 180°C í 10-15 mín.

Krembúðingur:
Leggið matarlím í bleyti í kalt vatn. Þeytið rjómann. Hrærið saman skyri, sykri sítrónusafa og ½ dl af ananassafa. Skerið ananasinn í bita, skiljið eftir 2-3 sneiðar til að skreyta með. Hellið vatninu af matarlíminu og bræðið það í vatnsbaði. Kælið og þynnið matarlímið með ½ dl af ananassafa. Blandið matarlíminu saman við skyrið og hrærið vel í á meðan. Blandið ananasbitum og rjóma saman við. Vætið neðri botninn með ananassafa. Jafnið helmingnum af skyrblöndunni yfir, vætið með ananassafa og jafnið því sem eftir er af búðingnum yfir. Látið tertuna bíða í kæli í 8-12 tíma. Skreytið með ferskum ananas og blæjuberjum. Einnig má skreyta með þeyttum rjóma utan á hringinn áður en hún er borin fram.