Svínabógur með osta og fíkju

Matreiðsluleiðbeiningar

Búið til fyllinguna. Skerið stöngulendan af fikjunum, saxið þær smátt og setjið í skál. Rífið ostinn yfir fíkjurnar. Rífið eplið yfir með berki. Bætið brauðmylsnunni út í, þá appelsínuhýði salti og pipar. Bætið egginu að síðustu í. Skerið raufar í hamin á kjötinu. Leggið bóginn á borð með hamin niður. Skerið kjötið laust frá hamnum en látið hanga fast saman á þremur hliðum. Setjið fyllinguna á milli kjöts og hams, breyðið úr henni eins og hægt er. Eða setjið fyllinguna ofan á kjötið. Rúllið kjötinu upp og vefjið. Hitið ofninn í 200 «C. Vigtið rúllina og áætlið 45 mín í steikingu á hvert 1/2 kg. Leggið rúlluna í eldfast mót eða litla ofnskúffu sem er rétt aðeins stærri en rúllan, með hamin niður. Hellið cider og appelsínusafa í skúffuna og bætið örlitlu vatni í, þannig að vökvinn verði 1 1/2-2 sm. Steikið í 30 mín. Takið skúffuna út úr ofninum. Snúið rúllunni við og stráið 1 1/2 tsk af salti yfir. má stinga negul- nöglum í ef vill. Steikið áfram í 1/2 klst.. þar til puran er orðin stökk. Bætið meiri vökva í skúffuna ef þarf. Lækkið hitann í 175«C og steikið áfram út steikingar- tíomann. Færið rúlluna upp og leggið álþynnu yfir. Hellið vökvanum úr skúffunni í pott og sjóðið lítið eitt niður. Hægt er að þykkja sósuna ef vill en er ekki nauðsynlegt. Fjarlægið bandið af kjötinu og skerið það í sneiðar. Berið fram með smjörgljáðum kartöflum og rauðkáli. Smjörgljáðar kartöflur: Sjóðið kartöflurnar og afhýðið. Látið þær krauma í bræddu smjöri smástund án þess að brúnast. Setjið þær í skál og stráið steinselju yfir.