Rjúpur með mynturjómasósu

Matreiðsluleiðbeiningar

Hreinsið rjúpurnar og leggið í mjólkurbland í 6-8 tíma. Hreinsið innyflin og brúnið í smjöri ásamt rjúpunum. Stráið salti, pipar og villijurtakryddi yfir fuglinn, á hvora hlið, þegar búið er að brúna. Látið í pott. Sjóðið upp af pönnunni og hellið yfir fuglinn. Bætið við vatni þannig að soðið verði 1-11/2 lítri. Saltið í pottinn ef með þarf. Sjóðið í 40-50 mín.

Sósa:
Saxið lauk og sellerí frekar smátt og látið krauma í smjöri. Bætið síðan soði og villijurtakryddi út í og látið sjóða í 5 mín. Látið rjómann út í og jafnið með hveitijafningi. Setjið myntuhlaupið saman við og sjóðið við vægan hita í 5-7 mín. Kryddið ef þarf og litið með sósulit.