Lasagne

Matreiðsluleiðbeiningar

Skerið lauk og sveppi í sneiðar og brúnið á pönnu. Brúnið hakkið og bætið mörðum hvítlauk saman við og tómatsósu. Blandið óreganó, kjötkrafti, salti og pipar út í ásamt vatni, lauknum og sveppunum og látið krauma í 5 mín. Bætið niðursoðnu tómötunum út í og sjóðið áfram í 5-10 mín. við vægan hita. Blandið mjólkinni út í hakkblönduna og jafnið hakkið með hveitijafningi (1 dl vatn + 4 msk hveiti) þegar sýður. Bragðbætið eftir þörfum, látið sjóða í 2-3 mín. Ef ekki eru notaðar ferskar lasagne plötur þarf að leggja þær í bleyti í kalt vatn í 10-15 mín. (ekki of þétt saman).
Smyrjið eldfast mót og veiðið sósu af hakkblöndunni og setjið í botn á mótinu, raðið lasagneplötum yfir. Dreifið hakkblöndu yfir u.þ.b. helming (en ath. að eiga sósu eftir undir ostinn efst) og raðið lasagne plötum þar ofaná. Endurtakið þetta og dreifið sósuafganginum efst ofaná lasagne plöturnar og stráið að síðustu rifnum ostinum yfir (þ.e.a.s. 3 lög lasagne plötur, 2 lög hakk).

Bakið í ofni við 200°C í 30-40 mín. eða þar til rétturinn hefur soðið vel í gegn og osturinn orðinn fallega brúnn.