Jógúrt og jurtamaríneraðar lambalundir með tómat og fetasalati

Matreiðsluleiðbeiningar

Lambalundir aðferð:
Blandið saman jógúrt, oregano, timjan, myntu, hvítlauk, sítrónuberki, sítrónusafa, salti og pipar. Setjið lambalundirnar saman við og marínerið í minnst 4-6 tíma. Best ef næst að marínera yfir nótt. Skerið rauðlaukinn í grófa bita og raðið í eldfast mót. Takið lambalundirnar og raðið á rauðlaukinn. Setjið í 200°C heitan ofn í 12-15 mínútur.
Berið fram með tómat og fetasalati með ólífum.

Tómat og fetasalat með ólífum aðferð:
Skerið tómatana í bita ásamt agúrkunum, skerið blaðlaukinn fínt og bætið saman við. Blandið fetaostinum saman við ásamt skornum ólífum.