Grænmetislasagna

Matreiðsluleiðbeiningar

Meðhöndlið lasagnaplöturnar eftir leiðbeiningum á umbúðum. Skerið gulrætur í hæfilega bita eða sneiðar og spergilkál í greinar og sjóðið. Skerið púrru og lauk í sneiðar og papriku í ræmur. Léttsteikið lauk og púrru í olíu á pönnu og bætið papriku út í og látið krauma með. Bætið tómötum, kryddi, soði af grænmetinu og matreiðslurjómanum út í og látið sjóða við vægan hita í 5 mín. Bætið gulrótum og spergilkáli út í og látið sjóða í 2-3 mín, bætið við kryddi ef þarf. Jafnið með maísenamjöli. Setjið í eldfast mót, fyrst þunnt lag af grænmetissósu þá lasagnaplötur, grænmetissósu og lasagnaplötur og síðast þunnt lag af grænmetissósu. Stráið þykku lagi af rifnum osti ofan á. Bakið í ofni við 200°C í 30-40 mín. eða þar til grænmetið hefur soðið vel í gegn og osturinn er fallega gulbrúnn.