Grænmetiseggjabaka í ofni

Matreiðsluleiðbeiningar

Sjóðið spagettí eftir leiðbeiningum á umbúðum. Skerið blaðlauk í sneiðar og lauk og papriku í teninga. Látið laukblönduna krauma í smjöri á pönnu. Sneiðið sveppi og látið krauma með á pönnu í 3-5 mín. Brúnið ekki. Bætið skinkubitum og baunum í og látið krauma saman í 3-5 mín. Sláið saman egg, rjóma og mjólk og kryddið með steinselju, salti og pipar. Hellið vatninu af spagettíinu, skolið með volgu vatni og blandið út í eggjablönduna ásamt blöndunni af pönnunni. Smyrjið eldfast mót og hellið eggjablöndunni þar í. Stráið osti yfir og bakið í ofni við 200°C í 20-30 mín. eða þar til bakan er gullinbrún.