Ýsuflök með ostahjúp

Matreiðsluleiðbeiningar

Þvoið og þerrið flökin. Hafið roðið á. Blandið saman smjöri og hvítlauksmauki. Hellið hvítvíni í eldfast mót eða litla ofnskúffu, þannig að rétt hylji botninn. Leggið flökin í hvítvínið með roðhliðina niður. Penslið flökin með hvítlaukssmjörinu og stráið pipar yfir. Blandið saman brauðmylsnu og osti og dreyfið yfir flökin. Glóðið í 4-6 mín., eða þar til stökkt og gyllt. Berið strax fram með víninu úr eldfasta mótinu og soðnum kartöflum.