Sumarhátíð

Matreiðsluleiðbeiningar

Möndlubotnar:
Saxið möndlur og hnetur í kvörn. Stífþeytið hvítur, bætið sigtuðum flórsykri í og þeytið í 2-3 mín. Blandið möndlum og hveiti varlega saman við. Bakið 2 botna 18 sm í þvermál í um 12 mín. við 170°C.

Svampbotnar: Stífþeytið egg og sykur. Sigtið kakó, hveiti og lyftiduft og blandið við hræruna. Bakið í hringformi, 24 sm í þvermál, við 170°C í um 20-25 mín. Kljúfið botninn í tvennt.

Fylling:
Þeytið rjómann, smækkið rúsínurnar og blandið saman við ásamt vanillusykri. Bleytið botnana með ávaxtasafa. Leggið kökuna saman þannig: Svampbotn, fylling, svampbotn, möndlubotn, fylling, möndlubotn (efst).

Krem:
Leggið matarlím í bleyti í kalt vatn. Þeytið eggjarauður og sykur í þykka froðu. Þeytið rjómann. Bræðið súkkulaðið í vatnsbaði. Hellið af matarlíminu og bræðið í vatnsbaði. Kælið með 1 msk. af köldu vatni og hellið út í eggjafroðuna, hrærið vel í á meðan. Hellið súkkulaðinu út í og síðast rjómanum. Látið kremið bíða í 5-10 mín. Smyrjið yfir kökuna og skreytið með möndluflögum og jarðarberjum. Látið kökuna bíða í 6-8 klst. Gott með mjúkþeyttum rjóma.