Snúðar með kanilsniði

Matreiðsluleiðbeiningar

Deig:
Hitið mjólkina í 37°C og blandið gerinu saman við. Bætið sykri, salti og kardimommum út í. Bræðið smjörið. Blandið u.þ.b. 2/3 af hveitinu ásamt smjörinu saman við mjólkurblönduna og hrærið vel þannig að deigið verði eins og mjög þykkur grautur. Látið það lyfta sér í 40-50 mín. Hnoðið deigið, bætið hveiti saman við þar til það verður viðráðanlegt, mjúkt og sleppir vel hendi. Fletjið deigið út í ílanga köku u.þ.b. 60x30 sm.

Fylling:
Blandið saman kanil og sykri, bræðið smjörið og rífið eplið. Penslið kökuna með smjörinu og stráið kanilsykrinum yfir og síðan rifna eplinu. Rúllið kökunni upp. Skerið í 12-14 jafna bita og setjið á plötu með samskeytin niður. Látið lyfta sér í 30 mín. Þrýstið með hendinni í miðjuna á hverjum snúð og penslið með eggjablöndu. Stráið perlusykri yfir og bakið við 200°C í 12-15 mín. eða þar til snúðarnir eru fallega brúnir.