Kartöflubrauð með freistandi fyllingu í nesti

Matreiðsluleiðbeiningar

Hrærið gerið út í blöndu af vatni og mjólk (37°C). Blandið sykri og 7 dl hveiti saman við (verði þykkur grautur) og hrærið vel. Látið lyfta sér í 50-60 mín. Flysjið kartöflur og rífið smátt á rifjárni. Sigtið vökvann frá kartöflunum. Blandið 2 dl af heitri mjólk saman við kartöflurnar og bætið þeim saman við deighræruna ásamt salti. Hrærið hveiti (u.þ.b. 6 dl) saman við þannig að deigið verði þykkt en blautt. Setjið í mót og látið lyfta sér í u.þ.b. 40-50 mín. Penslið með olíu og bakið við 200°C í 50-60 mín.

Skiptið brauðinu í tvo hluta eftir endilöngu.

Kjötloka með sýrðum rjóma:
Kljúfið eftir miðju og smyrjið með sýrðum rjóma 36%. Klippið steinselju yfir báða helminga, leggið kalt kjöt, gula og rauða papriku (gott að hleypa upp á henni) og sveppi á annan helminginn og leggið síðan saman.

Rækjuloka með sýrðum rjóma:
Kljúfið eftir miðju og smyrjið með sýrðum rjóma 36%. Stráið sítrónupipar yfir báða helminga, setjið rækjur, tómata í sneiðum, agúrku í strimlum á annan helminginn og leggið síðan saman.

Pakkið brauð lokunum þétt inn í filmu og geymið í kæli.