Fléttubrauð

Matreiðsluleiðbeiningar

Brauðgrunnur:
Hitið mjólk í 37°C og bætið geri út í. Blandið olíu, sykri og salti út í. Hrærið 2/3 af hveitinu vel saman við. Látið deigið lyfta sér í skál í 40-50 mín. Hnoðið vel og bætið hveiti í. Mótið hringlaga, ílangt eða fléttað brauð á plötu eða í móti. Látið lyfta sér í 20-30 mín. Penslið með eggjablöndu eða vatni (stráið korni yfir).
Bakið við 200°C í 30-40 mín.

Einföld flétta:
Skiptið grunndeiginu í þrjá hluta og rúllið þá í jafna sívalninga. Leggið lengjurnar hlið við hlið og fléttið frá miðju til beggja enda.

Tvöföld flétta:
Skiptið grunndeiginu í 2 hluta, annan 2/3 og hinn 1/3 af deiginu. Fléttið hvorn hluta fyrir sig eins og sagt er frá við einfalda fléttu. Leggið minni fléttuna á þá stærri.