Heppnar systur unnu flug til útlanda í Sumarleik Klóa

Nú í sumar var árlegur Sumarleikur Klóa í gangi. Öllum sexum af Kókómjólk í fernu fylgdi lukkumiði og var fjöldi vinninga í boði. Meðal vinninga voru reiðhjól frá Markinu og Playstation 3 leikjatölvur. Allir þátttakendur gátu ennfremur skráð sig í lukkupott á heimasíðunni www.kokomjolk.is og fyrir skömmu síðan var fjöldi vinninga dreginn út. Fyrsti vinningur var flug fyrir fjóra með Iceland Express. Kom hann í hlut tveggja systra í Reykjavík, þeirra Guðrúnar Ísafoldar 8 ára og Andreu Dagbjartar 10 ára. Voru þær systur að vonum mjög ánægðar með vinninginn.

Back