Vissir þú að ostur og mjólk eru eitt af auðugustu kalkgjöfum sem völ er á frá náttúrunnar hendi

Vissir þú að A-vítamín sem stundum er kallað vítamín augnanna finnst í ríkulegu magni í osti og smjöri

Vissir þú að aspartam er samsett úr tveimur amínósýrum, en amínósýrur eru grunneiningar próteina? Almennt hafa niðurstöður viðurkenndra vísindarannsókna ekki sýnt fram á skaðsemi neyslu aspartams í matvælum og er það viðurkennt og leyft til notkunar sem aukefni af heilbrigðisyfirvöldum um allan heim.

Vissir þú að í sýrðum mjólkurafurðum er um helmingur náttúrulegur mjólkursykur en viðbættur sykur er fyrst og fremst settur í vöruna til að vinna á móti súrnum svo þær verði lystugri? Helsti næringarfræðilegi ókostur sykurs er að hann gefur orku en ekki næringarefni. Því má segja að þegar sykri er bætt í matvæli rýrast þau að næringarinnihaldi og mataræði sem ríkt er af sykurríkum afurðum á borð við sætindi og gosdrykki er því næringarsnauðara en ella. Hafa verður í huga að mjólk er næringarríkasta matvæli sem völ er á. Við að bæta sykri í mjólkurvöru rýrist hún aðeins að næringarinnihaldi en hún er engu að síður áfram afar holl og næringarrík.

Vissir þú að samkvæmt opinberum tölum notar íslenskur mjólkuriðnaður um 3% af þeim sykri sem fluttur er inn til landsins árlega? (Heimild: Hagstofa Íslands).

Vissir þú að í Manneldismarkmiðum fyrir Íslendinga er ráðlagt að fólk neyti 2-3 skammta af mjólkurvörum daglega? (Heimild: Lýðheilsustöð ? áður Manneldisráð).

Vissir þú að álag á beinin, t.d. við hlaup, hopp og aðra áreynslu, er það sem styrkir þau mest?